Nzoni Tënë so Luc asu na mbeti 7:12 - Mbeti ti Nzapa - Tënë so amu fini

¹² Na ndembe so lo si nduru na yanga ti gbata ni, lo baa azo ayo mbeni kuâ ti gue ti lu ni: kuâ ni ayeke ti oko molenge-koli ti mbeni wali-mua. Gba ti azo ti gbata ni ayeke na tere ti mama ni si ayeke gue ti lu kuâ ni.

Nzoni Tënë so Luc asu na mbeti 7:12 ပူးပေါင်းရင်းမြစ်များ

Tongo nda ti aye 22:12

Ange ni atene: “Ndu molenge ni pepe. Sara ye oko na lo pepe, ngbanga ti so mbi hinga fadeso mbi tene, mo yeke zo ti kpengo mbeto ti Nzapa. Mo gbanzi oko molenge ti mo na mbi pepe.”

Tongo nda ti aye 22:2

Nzapa atene: “Mu molenge ti mo ti koli, oko molenge ti mo Isaac so mo ye lo mingi so, mo gue na lo na sese ti Moria, na ndö ti mbeni hoto so mbi yeke fa na mo. Kâ, mo mu lo na *sandaga so a yeke gbi ni kue na wâ.”

2 Samuel 14:7

Azo ti kete mara ti mbi kue alondo na tënë na tere ti mbi; ala tene: ‘Zia molenge so afâ ita ti lo so na maboko ti e, e ye ti fâ lo nga tongana ti so lo fâ ita ti lo so. Tongaso laa e yeke zi lo so fade lo yeke mu aye na peko ti kuâ ti babâ ti lo.’ Kete wâ so angba na mbi so, fade ala yeke mingo ni si iri ti koli ti mbi na ti asewa ti lo kue agirisa na ndö ti sese so.”

1 Agbia 17:12

Wali ni akiri tënë na lo: “KOTA GBIA, Nzapa ti mo ayeke na fini! Ataa kete nduru mapa, mbi yeke na ni pepe; ye so angba na mbi ayeke gi kete farini na ya ti ta na kete mafuta na ya ti ngbenda. Mbi ga ti ro anduru keke use; mbi yeke kiri na da ti leke ye so angba ndali ti mbi na molenge ti mbi ti koli. Na pekoni, e yeke kui.”

1 Agbia 17:18

Mama ti molenge ni atene na Élie: “Zo ti Nzapa, ti mo na mbi nyen? Mo ga na da ti mbi ti kiri ti fa na Nzapa peko ti asioni ye so mbi sara? Mo ga nga ti sara titene molenge ti mbi akui?”

1 Agbia 17:23

Élie amu molenge ni na ya ti kubu ti nduzu, lo zu na lo na gbeni. Lo mu molenge ni na mama ti lo si lo tene: “Baa, molenge ti mo ayeke na fini!”

1 Agbia 17:9

“Londo, mo gue na gbata ti Sarepta, nduru na Sidon. Fade mo yeke duti kâ. Mbi mu yanga na mbeni wali-mua titene lo mu na mo kobe.”

2 Agbia 4:16

Élisée atene: “Na ngu ti peko, gi na mara ti ngoi so, fade mo yeke yo molenge-koli na maboko ti mo.” Wali ni atene: “Babâ, mbi ke! Mo yeke zo ti Nzapa, tene mvene na zo ti kua ti mo pepe!”

2 Agbia 4:20

Zo ti kua ni ague na molenge ni na mama ti lo. Molenge ni angba na ndö ti gere ti mama ti lo ngbii asi na bekombite. Na pekoni, lo kui.

Mbeti ti Job 29:13

Azo so aga nduru ti kui ayeke sara tufa na ndö ti mbi; mbi yeke zia ngia na be ti awali-mua.

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Nzoni Tënë so Luc asu na mbeti 7:11

Na pekoni, Jésus ague na mbeni gbata so iri ni Naine. Lo na adisiple ti lo na gba ti azo ayeke tambula oko na lege ti gue.

Nzoni Tënë so Luc asu na mbeti 7:13

So *Kota Gbia abaa wali-mua ni, mawa ti lo agbu lo si lo tene na lo: “Mo toto pepe!”

Nzoni Tënë so Luc asu na mbeti 8:42

ngbanga ti so oko molenge ti lo ti wali, ngu ti lo ayeke nduru na ngu baleoko na use ayeke kui. So Jésus amu lege ti gue, azo gbani gbani ayeke na tere ti lo si ala yeke pete lo mbage na mbage.

Nzoni Tënë so Luc asu na mbeti 8:52

Azo ni kue ayeke toto si ala yeke dema tere ndali ti molenge ni. Me Jésus atene na ala: “Ala toto pepe! Lo kui pepe, me lo yeke lango.”

Jean 11:19

Nilaa azuife mingi aga ti baa Marthe na Marie ti zi vundu na be ti ala na peko ti kuâ ti ita ti ala.

Awatokua 9:39

Tongaso Pierre alondo hio si lo na ala ague. So lo si kâ, ala gue na lo na ya ti kubu ti nduzu. Awali-mua abongbi na tere ti Pierre si ala yeke toto; ala yeke fa na lo anduzu-bongo na ayongoro bongo so Dorkas afu ni na ngoi so lo ngba na fini.

Awatokua 9:41

Pierre ayoro maboko, agbu lo si ayo lo na nduzu. Na pekoni, lo iri azo ti Nzapa na awali-mua si lo fa na ala Tabita so ayeke na fini.

Jacques 1:27

Mbirimbiri vorongo Nzapa so sioni ye oko ayeke daa pepe, ayeke mungo maboko na anyindu nga na awali-mua so ayeke baa pasi; mbirimbiri vorongo Nzapa ayeke nga ti ke sarango aye ti potopoto ti dunia so.