Nzoni Tënë so Luc asu na mbeti 6:7 - Mbeti ti Nzapa - Tënë so amu fini

⁷ Le ti awafango-ndia na *afarizien kue ayeke gi na tere ti Jésus; ala yeke ku ti baa wala lo yeke kai kobela na *lango ti wungo tere titene ala wara mbeni tënë ti bi na li ti lo.

Nzoni Tënë so Luc asu na mbeti 6:7 ပူးပေါင်းရင်းမြစ်များ

Abia (Psaumes) 38:12

Azo so mbi na ala e ye tere na azo so mbi na ala e yeke fono lakue, ala ga nduru na mbi pepe ndali ti aka ti mbi; a-ita ti mbi aluti yongoro na tere ti mbi.

Ésaïe 29:21

azo ni ayeke azo so ayeke bi tënë ti mvene na li ti azo, ala so ayeke zia kuku titene awafango-ngbanga ati daa, ala so ayeke fâ ngbanga na li ti azo so asara ye oko pepe.

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Matthieu 5:39

Ti mbi, mbi tene na ala: zo so asara sioni na ala, ala kiri na peko ti sioni ni na lo pepe. Tongana mbeni zo apika ngbangba ti mo ti mbage ti koli, yoro na lo mbeni mbage ni lo pika.

Marc 3:2

Le ti azo ni ayeke gi na tere ti Jésus; ala yeke ku ti baa wala lo yeke kai kobela ti koli so na *lango ti wungo tere titene ala wara mbeni tënë ti bi na li ti lo.

Nzoni Tënë so Luc asu na mbeti 13:14

Makonzi ti da ti sambelango Nzapa ni asara ngonzo, ngbanga ti so Jésus akai kobela na lango ti wungo tere. Tongaso lo tene na gba ti azo so, lo tene: “Alango ti sarango na kua ayeke omene. Tongaso ala ga na ya ti alango ni so si a kai akobela ti ala, me na lango ti wungo tere pepe!”

Nzoni Tënë so Luc asu na mbeti 20:20

Ala to nda ti *bembe ndo na tere ti Jésus. Ndani laa ala tokua ambeni zo na lo so asara tere ti ala tongana anzoni zo. Azo ni ague ti hunda lo na mbeni tënë titene na lege ti tënë ti yanga ti lo wani, lo ti na ya ti gbanda ti ala. Ala ye ti wara lege ti gbu lo ti zia lo na maboko ti akota zo ti kodro nga na govoronere.

Jean 9:16

Ambeni farizien ni atene: “Zo so asara ye so alondo na Nzapa pepe, ngbanga ti so lo bata ndia ti lango ti wungo tere pepe.” Ambeni atene ti ala: “Zo ti siokpari alingbi ti sara mara ti aye ti kpene tongaso pepe!” Kangbi ati na popo ti ala.