Nzoni Tënë so Luc asu na mbeti 6:47 - Mbeti ti Nzapa - Tënë so amu fini

⁴⁷ Zo so aga na mbi, lo ma tënë ti mbi si lo sara ye alingbi na ni, lo kpa zo wa? Mbi ye ti fa ni na ala:

Nzoni Tënë so Luc asu na mbeti 6:47 ပူးပေါင်းရင်းမြစ်များ

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Matthieu 12:50

Zo so asara ye so be ti Babâ ti mbi so ayeke na yayu aye, andaa lo yeke ita ti mbi ti koli, wala ita ti mbi ti wali, wala mama ti mbi.”

Matthieu 17:5

So lo ngba ti tene tënë ni, mbeni mbinda so aza zango aga amu ndö ti ala kue. Mbeni go alondo na ya ti mbinda ni, atene: “So ayeke Molenge ti mbi so mbi ye lo mingi, be ti mbi anzere na lo mingi. Ala ma yanga ti lo!”

Nzoni Tënë so Luc asu na mbeti 11:28

Me Jésus atene na lo: “Ti ala nzoni, azo so ama tënë ti Nzapa si ala sara ye alingbi na ni!”

Nzoni Tënë so Luc asu na mbeti 14:26

“Tongana zo aga na mbi, alingbi lo ye mbi ahon babâ ti lo, mama ti lo, wali ti lo, amolenge ti lo, a-ita ti lo ti koli na ti wali nga na tere ti lo wani si lo duti disiple ti mbi.

Nzoni Tënë so Luc asu na mbeti 6:48

lo yeke tongana zo so ayeke sara da; lo zi du so ali si lo leke gere ti da ni na ndö ti têne. Ngu asuku amu ndo kue, ngu asua ngangu, apika tere ti da ni, me da ni ayingi oko pepe, ngbanga ti so lo sara da ni nzoni.

Nzoni Tënë so Luc asu na mbeti 8:13

Ambeni zo ayeke tongana ndö ti têne so ale ti kobe atuku daa; tongana ala ma tënë ni, ala yamba ni na ngia, me tënë ni ali na ya ti be ti ala pepe; ala ma na be gi na ya ti kete ngoi, tongana ye ti tarango be asi na ala, ala do lege ni azia.

Nzoni Tënë so Luc asu na mbeti 8:8

Ambeni le ni atuku na nzoni sese; ala kono si ala oko oko ale ngbangbo oko.” So Jésus atene tënë so awe, lo dekongo, lo tene: “Zo so ayeke na mê ti mango ndo, ayeke nzoni lo ma tënë so!”

Jean 10:27

Ataba ti mbi ahinga go ti mbi; mbi hinga ala si ala yeke mu peko ti mbi.

Jean 13:17

Fadeso ala hinga ye ni awe. Ti ala nzoni tongana ala sara ye alingbi na ni!

Jean 14:15

“Tongana ala ye mbi, fade ala yeke sara ye alingbi na andia ti mbi.

Jean 5:40

Me ala azo, ala ye ti ga na mbi pepe ti wara taa fini.

Jean 6:35

Jésus atene na ala: “Mbi laa mbi yeke mapa so ayeke mu fini na zo. Zo so aga na mbi, fade nzara ti kobe ayeke sara lo laoko pepe; zo so ama na be na mbi, fade nzara ti ngu ayeke sara lo laoko pepe.

Jean 6:37

Azo so kue Babâ amu ala na mbi, fade ala yeke ga na mbi; zo so aga na mbi, fade mbi yeke zia lo na gigi oko pepe.

Jean 8:52

Azuife akiri tënë na lo, atene: “Fadeso e hinga biani so, mo yeke na sioni yingo na ya ti mo! Abraham akui, awayanga-Nzapa nga akui, me ti mo, mo tene: ‘Zo so asara ye alingbi na atënë ti mo, fade lo yeke kui laoko pepe.’

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

Jacques 4:17

Tongaso, zo so ahinga ti sara nzoni ye si lo sara ni pepe, andaa lo sara siokpari awe.

1 Pierre 2:4

Ala ga nduru na *Kota Gbia, lo so lo yeke têne so ayeke na fini; têne so azo ake ni, me Nzapa asoro ni si lo baa ni ayeke nzoni na le ti lo.

2 Pierre 1:10

Ndani laa, a-ita, ayeke nzoni ala kiri asara ngangu ahon ti kozoni ti ngba na lege ti iringo so Nzapa airi ala, nga na lege ti sorongo so lo soro ala. Tongana ala sara tongaso, mbeni ye ti sara si ala ti ande ayeke daa oko pepe.

1 Jean 2:29

Ala hinga atene, Christ ayeke mbirimbiri. Tongaso, alingbi ala hinga nga atene, zo so asara ye ti mbirimbiri, lo yeke molenge ti Nzapa.

1 Jean 3:7

Amolenge ti mbi, ala zia mbeni zo ahanda ala pepe! Zo so ayeke sara ye ti mbirimbiri, lo yeke zo ti mbirimbiri, tongana ti so Jésus ayeke mbirimbiri.

Aye so Nzapa afa 22:14

Ti ala nzoni, ala so asukula bongo ti ala avuru, tongaso si ala wara lege ti te lengo ti keke so ayeke mu fini na zo si ala wara nga lege ti li na ayanga ti gbagba ni ti gue na ya ti gbata ni.