Nzoni Tënë so Luc asu na mbeti 6:38 - Mbeti ti Nzapa - Tënë so amu fini

³⁸ Ala mu ye na azo si Nzapa amu nga ye na ala. Fade a yeke mu ye ti hakango na ye, a haka ye na ya ni, a pete ndö ni, a yingi ni ngbii asi meke meke si a tuku ni na yanga ti bongo ti ala. Ye so ala yeke mu ti haka na ye na amba ti ala, gi ni laa a yeke mu nga ti haka na ye na ala.”

Nzoni Tënë so Luc asu na mbeti 6:38 ပူးပေါင်းရင်းမြစ်များ

2 Samuel 19:36

Fadeso mbi yeke na ngu balemiombe. Mbi lingbi ti kangbi popo ti nzoni ye na sioni ye? Kobe so mbi yeke te, na ye so mbi yeke nyon, mbi lingbi ti ma nzerengo ni? Abia so akoli na awali ayeke he, mbi lingbi ti hinga tongana nyen atene, go ni ayeke nzoni wala ayeke sioni? Ngbanga ti nyen laa mbi yeke kiri ti ga kungba na ndö ti mo, gbia ti mbi?

Esther 7:10

Ala kanga go ti Haman na nduzu na tere ti keke so lo wani, lo leke ndali ti Mardochée. Na pekoni, ngonzo ti gbia ade.

Esther 9:25

Me so Esther ague, abaa gbia, gbia amu yanga titene a su mbeni mbeti ti sara titene sioni so Haman aye ti sara na azuife so akiri gi na ndö ti lo wani; a mu Haman a kanga go ti lo na tere ti keke na nduzu, lo na amolenge ti lo baleoko.

Mbeti ti Job 42:11

A-ita ti lo ti koli, a-ita ti lo ti wali nga na azo so ahinga lo kozoni, ala kue aga ti baa lo. Ala te kobe na ndo ti lo, ala fa nzoni be ti ala na lo, ala de be ti lo ndali ti aye ti vundu so Nzapa asara si aga na ndö ti lo. Na pekoni, zo oko oko amu na lo kadoo ti kota le ti nginza oko nga na *kati oko so a sara na lôro.

Abia (Psaumes) 79:12

Azo so ayeke nduru na e azonga mo; KOTA GBIA, kiri zonga ni taa na ala wani fani mbarambara!

Sigingo 21:24

Tongana lo koro le ti zo, fade a yeke koro nga le ti lo; tongana lo fâ pembe ti zo, fade a yeke fâ nga pembe ti lo; tongana lo kungbi maboko ti zo, fade a yeke kungbi nga maboko ti lo; tongana lo kungbi gere ti zo, fade a yeke kungbi nga gere ti lo.

Amato 10:22

Tufa ti KOTA GBIA laa ayeke sara si zo awara mosoro; ngangu so zo asara azia ye oko daa pepe.

Amato 19:17

Zo so abaa mawa ti wayere, andaa boon laa zo ni asara na KOTA GBIA; fade KOTA GBIA ayeke kiri peko ni na lo.

Amato 22:9

Zo so ayeke sara nzoni be na azo, fade tufa ayeke ga na ndö ti lo, ngbanga ti so lo mu kobe na awayere.

Jérémie 32:18

Mo yeke sara nzoni be na azo ngbii asi na *ahale ti ala ti molongo saki oko. Me tongana ababâ na amama asara siokpari, mo yeke sara si amolenge ti ala laa awara futa ni. Mo yeke kota Nzapa, mo yeke ngangu mingi; iri ti mo ayeke KOTA GBIA so ayeke na ndö ti dunia kue.

Matthieu 10:42

Mbi tene na ala taa-tënë: zo so amu ngu ti nyongo ni na mbeni senge zo oko so ndali ti so lo yeke disiple ti mbi, ataa ayeke kete kopo ti ngu ti de, fade lo yeke wara nzoni ye na peko ni.”

Matthieu 7:2

Biani, Nzapa ayeke fâ ande ngbanga na li ti ala gi tongana ti so ala yeke fâ ngbanga na li ti azo. Ye so ala mu ti haka na ye na azo, ni laa Nzapa ayeke mu ni ti haka na ye na ala.

Marc 4:24

Lo kiri lo tene na ala: “Ala sara hange na tënë so ala yeke ma so! Ye so ala wani ayeke mu ti haka na ye na amba ti ala laa Nzapa ayeke mu ti haka na ye na ala; lo yeke zia mbeni na ndö ni.

Nzoni Tënë so Luc asu na mbeti 6:30

Tongana mbeni zo ahunda ye na mo, mu ni na lo; tongana mbeni zo amu mbeni ye ti mo, hunda lo ti kiri na ni na mo pepe.

Ndia ti fani use ni 15:10

Ala mu ye na ita ti ala ni, ala mu ni na lo na nzoni be. Ndali ni, fade KOTA GBIA Nzapa ti ala ayeke sara tufa na ndö ti ala na ya ti akua ti ala kue nga na ya ti aye so kue ala ye ti sara.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.

Awafango-ngbanga 1:7

Adoni-Bezek atene: “Agbia balembarambara so mbi fâ akota li ti maboko ti ala na ti gere ti ala ayeke ro lani anduru mapa so ati na gbe ti meza ti mbi. Ye so mbi sara so laa Nzapa akiri peko ni na mbi so!” A mu Adoni-Bezek, ague na lo na Jérusalem si lo kui kâ.