Nzoni Tënë so Luc asu na mbeti 6:30 - Mbeti ti Nzapa - Tënë so amu fini

³⁰ Tongana mbeni zo ahunda ye na mo, mu ni na lo; tongana mbeni zo amu mbeni ye ti mo, hunda lo ti kiri na ni na mo pepe.

Nzoni Tënë so Luc asu na mbeti 6:30 ပူးပေါင်းရင်းမြစ်များ

Abia (Psaumes) 112:9

Lo mu ye mingi na azo ti mawa; mbirimbiri ti lo angba kpu na kpu. Fade ngangu ti lo na gonda ti lo ayeke gue guengo na nduzu.

Abia (Psaumes) 41:1

Bia ti David; bia so ayeke ndali ti makonzi-bia.

Amato 19:17

Zo so abaa mawa ti wayere, andaa boon laa zo ni asara na KOTA GBIA; fade KOTA GBIA ayeke kiri peko ni na lo.

Amato 21:26

Ti londo na ndaperere ngbii asi na lakui, sarango nzara ti aye ahon ndö ti lo; me zo ti mbirimbiri amu ye na azo, lo gbanzi tanga ni pepe.

Amato 22:9

Zo so ayeke sara nzoni be na azo, fade tufa ayeke ga na ndö ti lo, ngbanga ti so lo mu kobe na awayere.

Zo ti bongbingo azo 11:2

Mo mu mbage ti aye ti mo na azo mbarambara wala miombe, ngbanga ti sioni ye so ayeke si na ndö ti sese so, mo hinga ni pepe.

Zo ti bongbingo azo 8:16

Mbi zia be ti mbi ti gi ti hinga nda ti ndara, ti baa ye so azo ayeke sara na ndö ti sese so. Mbi baa so, ataa zo ake ti lango na bi nga na kota lâ,

Matthieu 18:35

Ti hunzi na ni, Jésus atene na ala: “Fade Babâ ti mbi so ayeke na yayu ayeke sara na ala oko oko kue tongaso, tongana ala zi tënë na li ti amba ti ala pepe.”

Matthieu 5:39

Ti mbi, mbi tene na ala: zo so asara sioni na ala, ala kiri na peko ti sioni ni na lo pepe. Tongana mbeni zo apika ngbangba ti mo ti mbage ti koli, yoro na lo mbeni mbage ni lo pika.

Matthieu 6:12

Zi sioni ti e na li ti e tongana ti so e nga, e yeke zi sioni na li ti azo so asara sioni na e.

Nzoni Tënë so Luc asu na mbeti 11:41

Ala mu na azo ti mawa ye so ayeke na ya ti akopo na asembe ti ala. Tongaso si aye kue ayeke ga ande *nzoni ndali ti ala.

Nzoni Tënë so Luc asu na mbeti 12:33

Ala ka aye so ala yeke na ni, ala mu nginza ni na azo ti mawa. Ala gi ti wara abozo ti nginza so ayeke buba pepe; ala bata mosoro ti ala na yayu! Kâ, mosoro ni ayeke hunzi pepe: zo ti nzi alingbi ti si nduru na ni pepe, akangi alingbi nga ti te ni pepe.

Nzoni Tënë so Luc asu na mbeti 18:22

So Jésus ama tënë so, lo tene na lo: “Mbeni ye oko angba na mo ti sarango ni: mo ka aye ti mo kue, mo kangbi nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Nzoni Tënë so Luc asu na mbeti 6:29

Tongana mbeni zo apika ngbangba ti mo, yoro nga na lo mbage ni lo pika. Tongana mbeni zo amu kota bongo ti mo, zia lo mu nga nduzu bongo ti mo.

Nzoni Tënë so Luc asu na mbeti 6:31

Ye so ala ye titene azo asara na ala, ala sara nga ye ni na azo.

Nzoni Tënë so Luc asu na mbeti 6:38

Ala mu ye na azo si Nzapa amu nga ye na ala. Fade a yeke mu ye ti hakango na ye, a haka ye na ya ni, a pete ndö ni, a yingi ni ngbii asi meke meke si a tuku ni na yanga ti bongo ti ala. Ye so ala yeke mu ti haka na ye na amba ti ala, gi ni laa a yeke mu nga ti haka na ye na ala.”

Awatokua 20:35

Lakue, mbi fa na ala ti sara kua si fade ala lingbi ti mu maboko na azo ti mawa. Ala dabe ti ala na atënë so *Kota Gbia Jésus wani atene: ‘Mungo ye anzere ahon warango ye!’ ”

2 Korente 8:9

Biani, ala hinga nzoni be ti Kota Gbia ti e Jésus Christ: lo yeke lani zo ti mosoro, me lo yeda ti ga zo ti mawa ndali ti ala titene na lege ti mawa ti lo, ala ga azo ti mosoro.

Efeze 4:28

Zo so lani ayeke zo ti nzi, lo kiri lo nzi pepe; me ayeke nzoni lo mu tere ti lo ti sara kua na maboko ti lo wani na legeni si lo wara ye ti mu maboko na azo ti mawa.