Nzoni Tënë so Luc asu na mbeti 6:25 - Mbeti ti Nzapa - Tënë so amu fini

²⁵ Mawa na ala, ala so ya ti ala asi fadeso, ngbanga ti so fade nzara ayeke sara ala! Mawa na ala, ala so ayeke he ngia fadeso, ngbanga ti so fade ye ti vundu ayeke si na ala si ala yeke toto!

Nzoni Tënë so Luc asu na mbeti 6:25 ပူးပေါင်းရင်းမြစ်များ

Abia (Psaumes) 49:19

So zo ni ade na fini, lo yeke pika kate ti lo, azo ayeke gonda lo, atene: “Ti mo nzoni, aye ti mo kue ayeke tambula nzoni!”

Amato 14:13

Mbeni zo alingbi ti he ngia, me na be ti lo kâ tënë ayeke so lo. Na ndani, ngia alingbi ti ga vundu.

Amato 30:9

Biani, tongana mbi yeke na gba ti aye, mbi lingbi ti bere tënë ti mo, mbi tene: ‘KOTA GBIA ni ayeke zo wa?’ Wala tongana mbi yeke wayere, mbi lingbi ti nzi ye. Tongaso, fade mbi yeke buba iri ti Nzapa ti mbi.

Zo ti bongbingo azo 2:2

Mbi tene: “Hengo ngia ayeke ye ti buba!”; mbi tene nga: “Ngia ayeke sara nzoni ti nyen?”

Zo ti bongbingo azo 7:3

Vundu ayeke nzoni ahon hengo ngia. Ataa so le ti zo ayeke na vundu, be ti lo alingbi ti duti na ngia.

Zo ti bongbingo azo 7:6

Hengo ngia ti zo ti buba ayeke tongana toto ti ki so ayeke gbi na gbe ti tawa. Ye so nga ayeke gi senge senge.

Ésaïe 28:7

Ndali ti vin so asara ala, ataa awayango-sandaga na awayanga-Nzapa agirisa lege. Ndali ti ngangu samba, ala yeke tambula kirikiri. Samba asara si ala girisa lege. Ndali ti vin, li ti ala aga kirikiri, tongana ala baa ye na ya ti mbeni ye tongana bango-li, ala yeke girisa lege, ala hinga li ti ala na ngbanga so ala yeke fâ pepe.

Ésaïe 65:13

Ndani laa, tënë so mbi, Kota Gbia NZAPA, mbi tene ayeke so: Fade azo ti kua ti mbi ayeke te kobe, me ti ala, ala yeke duti na nzara. Azo ti kua ti mbi ayeke na ngu ti nyongo ni, me ti ala, nzara ti ngu ayeke sara ala. Azo ti kua ti mbi ayeke duti na ngia, me ti ala, kamene ayeke sara ala.

Ésaïe 8:21

Fade azo ayeke hon na ya ti kodro ni, na kota pasi na nzara. Ndali ti so nzara ahon ndö ti ala, ala yeke sara ngonzo, ala yeke deba gbia ti ala na Nzapa ti ala. Ala yeke baa ndo na nduzu.

Ésaïe 9:20

Azo ti mara ti Manase ayeke te azo ti mara ti Efraim, azo ti mara ti Efraim ayeke te azo ti mara ti Manase. Amara use so kue abongbi ti ga na tere ti azo ti mara ti Juda. Ataa so kue, ngonzo ti KOTA GBIA akai pepe, maboko ti lo angba gi na nduzu.

Amos 8:10

Fade mbi yeke sara si amatanga ti ala aga ngoi ti vundu; abia ti ala ayeke ga abia ti totongo kuâ. Fade mbi yeke sara si azo kue ayeke yu bongo ti mua si ala yeke kio kua ti li ti ala; mbi yeke sara si ala yeke sara mua tongana ti so a yeke sara mua ndali ti oko molenge ti ya ti sewa so akui. Na lango ni so, fade aye so kue ayeke hunzi na ya ti mawa.”

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Nzoni Tënë so Luc asu na mbeti 12:20

Me Nzapa atene na lo: ‘Mo buba zo! Gi na bi so mo yeke kui. Me aye so mo bongbi ni kue so, zo wa laa ayeke wara ni, zo wa?’ ”

Nzoni Tënë so Luc asu na mbeti 13:28

Kâ, gi toto na tengo pembe: ala yeke baa Abraham, Isaac na Jacob, na awayanga-Nzapa kue so aduti na *Kodro-gbia ti Nzapa, me ti ala, a bi ala na gigi.

Nzoni Tënë so Luc asu na mbeti 6:24

Me mawa na ala, azo ti mosoro, ngbanga ti so ala wara ye ti dengo be ti ala awe!

Nzoni Tënë so Luc asu na mbeti 6:26

Mawa na ala, ala so azo kue ayeke tene nzoni tënë ti ala! Biani, akotara ti ala asara ando gi tongaso na awayanga-Nzapa ti mvene!”

Nzoni Tënë so Luc asu na mbeti 8:53

Ala he lo na ngia, ngbanga ti so ala hinga atene, molenge ni akui awe.

Efeze 5:4

Asioni tënë, abuba tënë na atënë na ndö ti sarango ye ti kamene asigigi na yanga ti ala pepe. Me ala mu gi singila na Nzapa.

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.

Jacques 4:9

Ala duti na vundu, ala dema tere ti ala, ala toto maa! Ala zia ti he ngia si ala toto, ala zia lege ti ngia si ala duti na vundu!

Aye so Nzapa afa 3:17

Mo yeke tene: ‘Mbi yeke zo ti mosoro, mbi wara mosoro mingi, mbeni ye atia mbi pepe.’ Andaa mo hinga pepe mo tene, mo yeke zo ti mawa, zo so ye ahon ndö ti lo, zo ti iringo ye, waziba na zo so bongo ayeke na tere ti lo pepe.

1 Samuel 2:5

Azo so ayeke te ye lani ya ti ala asi so, ala kiri ayeke gi kua ndali ti kobe ti yanga ti ala. Me azo so lani nzara ahon ndö ti ala, ala yeke wu tere ti ala fadeso. Wali so ya ti lo akanga lani, lo du fadeso amolenge mbarambara. Me wali so adu lani gba ti amolenge, lo yeke kiri ti du fadeso pepe.