Nzoni Tënë so Luc asu na mbeti 6:19 - Mbeti ti Nzapa - Tënë so amu fini

¹⁹ Azo kue ayeke gi lege ti ndu tere ti lo, ngbanga ti so mbeni ngangu ayeke sigigi na ya ti tere ti lo si ayeke sara titene tere ti ala kue aga nzoni.

Nzoni Tënë so Luc asu na mbeti 6:19 ပူးပေါင်းရင်းမြစ်များ

2 Agbia 13:21

Mbeni lâ, azo ague ti lu mbeni kuâ; mo ye ti baa, ala baa ambeni zo ti nzi ni so. Azo ti lungo kuâ ni abi kuâ ni na ya ti du ti kuâ ti Élisée. Gi so kuâ ni andu abio ti Élisée, zo ni akiri na fini si lo luti na ndö ti gere ti lo.

Matthieu 14:36

Ala voro lo titene lo zia azo ti kobela ni andu gi yanga ti bongo ti lo. Azo so kue andu ni, tere ti ala aga nzoni.

Marc 3:10

Biani, azo ti kobela ayeke gbugburu tere ti ala ti ndu Jésus, ngbanga ti so lo kai kobela ti azo mingi.

Marc 5:30

Gi na oko ndembe ni so, Jésus ahinga atene, mbeni ngangu asigigi na ya ti tere ti ni. Lo baa azo so angoro lo si lo hunda ndo, lo tene: “Zo wa laa andu bongo ti mbi?”

Marc 6:56

Na ndo so kue Jésus ayeke hon daa, wala na ya ti agbata, wala na ya ti akete kodro, wala na ya ti akete kodro so ayeke na yanga ti yaka kue, azo ayeke mu azo ti kobela, azia ala na ndö ti abalabala; ala hunda na lo titene lo zia ala ti ndu gi yanga ti kota bongo ti lo. Azo so kue andu lo, tere ti ala aga nzoni.

Marc 8:22

Jésus na adisiple ti lo asi na Betsaida; ambeni zo amu mbeni waziba, aga na lo na Jésus si ala voro lo titene lo ndu lo.

Nzoni Tënë so Luc asu na mbeti 5:17

Mbeni lâ, Jésus ayeke fa ye na azo. *Afarizien na awafango-ndia ayeke na popo ti azo ni; ala londo na ya ti akodro ti Galile na ti Judée nga na Jérusalem si ala ga. Ngangu ti *Kota Gbia ayeke na Jésus si lo yeke kai akobela na tere ti azo.

Nzoni Tënë so Luc asu na mbeti 6:18

Ala ga ti ma tënë ti Jésus, ala ga nga titene lo kai kobela ti ala. Ala so asioni yingo ayeke sara pasi na ala, tere ti ala nga aga nzoni.

Awatokua 19:12

Nilaa azo ayeke mu abongo wala siriki so andu tere ti Paul, ala ga na ni na azo ti kobela si kobela ti azo ni akai, asioni yingo asigigi na ya ti ala.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.