Nzoni Tënë so Luc asu na mbeti 6:14 - Mbeti ti Nzapa - Tënë so amu fini

¹⁴ Azo ni ayeke Simon, so Jésus adi iri ti lo Pierre na André ita ti lo, Jacques, Jean, Philippe, Barthélemy,

Nzoni Tënë so Luc asu na mbeti 6:14 ပူးပေါင်းရင်းမြစ်များ

Matthieu 10:2

Iri ti *awatokua baleoko na use so ayeke tongaso: kozo zo ni ayeke Simon, so mbeni iri ti lo ayeke Pierre, lo na ita ti lo André; Jacques na ita ti lo Jean, so ala yeke amolenge ti Zebede;

Matthieu 10:3

Philippe na Barthélemy; Thomas na Matthieu so lo yeke zo ti rongo nginza ti lapo; Jacques, molenge ti Alfe na Tade;

Matthieu 4:18

So Jésus ayeke tambula na yanga ti kota ngu ti Galile, lo baa a-ita use so ayeke azo ti gingo susu: Simon so mbeni iri ti lo ayeke Pierre, lo na ita ti lo André; ala yeke bi gbanda ti ala na ya ti kota ngu ni ti gi na asusu.

Matthieu 4:21

Jésus ahon gi kete, lo baa ambeni ita use: Jacques na ita ti lo Jean, amolenge ti Zebede; ala na babâ ti ala ayeke na ya ti ngo si ala yeke leke agbanda ti ala. Jésus airi ala.

Marc 1:19

Lo hon gi kete, lo baa Jacques na Jean, amolenge ti Zebede. Ala yeke na ya ti ngo si ala yeke leke gbanda ti ala.

Marc 1:29

Gi so ala sigigi na ya ti da ti sambelango Nzapa ni, Jésus amu Jacques na Jean na tere ti lo, ala gue na da ti Simon na André.

Marc 14:33

Lo mu Pierre, Jacques na Jean na tere ti lo si lo na ala ague. Be ti lo ato nda ti do na mbeto si mbeto asara lo ahon ndoni.

Marc 3:16

Azo baleoko na use so lo soro ala ayeke azo tongana: Simon so Jésus adi iri ti lo Pierre,

Marc 5:37

Lo ke na azo kue ti mu peko ti lo, gi Pierre na Jean na ita ti lo Jacques.

Marc 9:2

Lango omene na pekoni, Jésus amu Pierre, Jacques na Jean na tere ti lo, lo gue na ala na li ti mbeni kota hoto si ala duti kâ gi ala oko. Tere ti lo akiri aga nde na le ti ala:

Nzoni Tënë so Luc asu na mbeti 5:10

Mbeto agbu nga Jacques na Jean, amolenge ti Zebede so ala yeke amba ti Simon. Jésus atene na Simon: “Sara mbeto pepe! Ti londo fadeso, mo yeke ga zo ti gingo azo.”

Nzoni Tënë so Luc asu na mbeti 5:8

So Simon Pierre abaa tongaso, lo ti na gbe ti Jésus si lo tene na lo: “*Kota Gbia, hon yongoro na tere ti mbi, ngbanga ti so mbi yeke zo ti siokpari!”

Nzoni Tënë so Luc asu na mbeti 6:13

So ndo ahan awe, lo iri adisiple ti lo si lo soro ambeni baleoko na use, lo di iri ti ala *awatokua.

Nzoni Tënë so Luc asu na mbeti 6:15

Matthieu, Thomas, Jacques, molenge ti Alfe, Simon so azo atene lo yeke tiri ndali ti lipandaa ti kodro,

Jean 1:45

Na pekoni, Philippe awara Natanael si lo tene na lo: “Zo so ando Moïse atene tënë ti lo na ya ti mbeti ti *Ndia so, lo so nga awayanga-Nzapa atene tënë ti lo so, e wara lo awe. Zo ni ayeke Jésus, molenge ti Joseph, zo ti Nazaret.”

Jean 14:8

Philippe atene na lo: “Kota Gbia, fa na e Babâ, awe.”

Jean 6:5

So Jésus amu le ti lo na nduzu, lo baa gba ti azo ayeke ga na peko ti lo. Tongaso lo hunda Philippe, lo tene: “Fade e yeke wara kobe na ndo wa ti vo si alingbi na azo so kue?”

Jean 6:8

Mbeni disiple ti lo oko so iri ti lo André, ita ti Simon Pierre, atene:

Awatokua 1:13

So ala si na gbata ni awe, ala li na ya ti kubu ti nduzu so ala yeke wara ka tere daa. Azo ni ayeke Pierre, Jean, Jacques, André, Philippe, Thomas, Barthélemy, Matthieu, Jacques, molenge ti Alfe, Simon so ayeke tiri ndali ti lipandaa ti kodro nga na Jude, molenge ti Jacques.

Awatokua 12:2

Lo mu yanga si a fâ Jacques, ita ti Jean, na yongoro zeme.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.