Nzoni Tënë so Luc asu na mbeti 5:8 - Mbeti ti Nzapa - Tënë so amu fini

⁸ So Simon Pierre abaa tongaso, lo ti na gbe ti Jésus si lo tene na lo: “*Kota Gbia, hon yongoro na tere ti mbi, ngbanga ti so mbi yeke zo ti siokpari!”

Nzoni Tënë so Luc asu na mbeti 5:8 ပူးပေါင်းရင်းမြစ်များ

2 Samuel 6:9

Na lango ni so mbeto ti KOTA GBIA asara David, lo tene: “Sanduku ti KOTA GBIA alingbi ti ga na ndo ti mbi tongana nyen?”

1 Agbia 17:18

Mama ti molenge ni atene na Élie: “Zo ti Nzapa, ti mo na mbi nyen? Mo ga na da ti mbi ti kiri ti fa na Nzapa peko ti asioni ye so mbi sara? Mo ga nga ti sara titene molenge ti mbi akui?”

Mbeti ti Job 40:4

Mbi yeke ti mbi ye oko pepe. Tënë ti nyen laa mbi lingbi ti kiri ni na mo? Tënë ahunzi na yanga ti mbi awe.

Sigingo 20:19

Ala tene na Moïse: “Mo wani, mo tene tënë na e si e ma. Me e ye titene Nzapa atene tënë na e pepe, tongaso pepe e yeke kui.”

Ésaïe 6:5

Tongaso mbi tene: “Mawa na mbi, mbi kui awe! Mbi yeke zo so tënë ti yanga ti mbi ayeke *sioni, mbi yeke lango na popo ti azo so tënë ti yanga ti ala ayeke *sioni. Mbi baa na le ti mbi wani Gbia, KOTA GBIA so ayeke na ndö ti dunia kue.”

Matthieu 17:6

So adisiple ama go so, mbeto ahon ndö ti ala, ala ti na sese si ala honde le ti ala.

Matthieu 2:11

Ala li na ya ti da ni si ala baa molenge ni na mama ti lo Marie. Ala kuku na sese si ala voro molenge ni. Na pekoni, ala zi ya ti akungba ti ala si ala mu anzoni ye na molenge ni: lôro, dukani na *mire.

Matthieu 8:8

Me kapita ti aturugu ni akiri tënë, atene: “Kota Gbia, mbi kpa zo so mo lingbi ti li na ya ti da ti lo pepe. Mo tene gi mbeni tënë oko si fade kobela ti zo ti kua ti mbi akai!

Nzoni Tënë so Luc asu na mbeti 5:7

Ala sara maboko na amba ti ala so ayeke na ya ti mbeni ngo ni ti ga ti mu maboko na ala. Amba ti ala aga si ala tuku asusu ni na ya ti ango use kue; ango ni asi singo na asusu si aye ti linda ngu.

Nzoni Tënë so Luc asu na mbeti 5:9

Mbeto agbu Simon na azo so kue ayeke na tere ti lo, ngbanga ti so ala gbu asusu gbani gbani.

Jean 11:32

Marie ague, asi na ndo so Jésus ayeke daa. So Marie abaa Jésus, lo ti na gbe ti lo si lo tene na lo: “*Kota Gbia, tongana mo yeke fade na ndo so, ka ita ti mbi akui pepe!”

1 Korente 13:12

Ti fadeso, ye so e yeke baa ayeke tongana ye so zo ayeke baa na ya ti tatara; e yeke baa ye ni nzoni kue pepe. Me gbanda, e yeke baa Nzapa le na le. Ti fadeso, mbage ti hingango ye ti mbi atia; me gbanda, mbi yeke hinga ye kue tongana ti so Nzapa ahinga na mbi so.

Aye so Nzapa afa 1:17

So mbi baa lo, mbi ti na gbe ti lo tongana zo so akui awe. Me lo zia maboko ti lo ti koli na ndö ti mbi si lo tene: “Sara mbeto pepe! Mbi yeke lo so lo yeke kozo ni na lo so lo yeke ndangba ni,

Awafango-ngbanga 13:22

Manoa atene na wali ti lo: “Ti so ni, fade e yeke kui kue, ngbanga ti so e baa Nzapa awe.”

1 Samuel 6:20

Azo ti Bet-Shemesh atene: “Zo wa laa alingbi ti luti na le ti KOTA GBIA, Nzapa so ayeke nde si ayeke nzoni kue so? Fade e yeke tokua sanduku ti mbuki ni na ndo ti zo wa titene ahon yongoro na tere ti e?”