Nzoni Tënë so Luc asu na mbeti 5:35 - Mbeti ti Nzapa - Tënë so amu fini

³⁵ Me ambeni lango ayeke ga so fade a yeke mu koli ni na popo ti ala, a hon na lo; na ngoi so laa, fade ala yeke ke kobe.”

Nzoni Tënë so Luc asu na mbeti 5:35 ပူးပေါင်းရင်းမြစ်များ

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Daniel 9:26

Na peko ti ngoi baleomene na use so, fade a yeke fâ zo so a tuku mafuta na li ti lo so; zo oko ayeke mu maboko na lo pepe. Na pekoni mbeni makonzi ayeke londo, lo na aturugu ti lo ayeke ga ti buba gbata ni nga na ndo so a zia ni nde ndali ti Nzapa. Me na ndani, lango ti makonzi ni ayeke hunzi na lege ti ngonzo ti Nzapa so ayeke tuku na ndö ti lo. Me lo yeke sara bira ngbii asi na lango ti kuâ ti lo si lo yeke buba ndo kue alingbi na ye so a diko ndali ti lo.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Matthieu 9:15

Jésus akiri tënë na ala: “Azo so a tisa ala na matanga ti mungo tere ti koli na wali, fade ala lingbi ti duti na vundu na ndembe so koli ni ade na popo ti ala? Oko pepe! Me ambeni lango ayeke ga so fade a yeke mu koli ni na popo ti ala, a hon na lo; na ngoi ni so laa fade ala yeke ke kobe.

Marc 2:20

Me ambeni lango ayeke ga so fade a yeke mu koli ni na popo ti ala, a hon na lo. Tongaso, na lango so laa fade ala yeke ke kobe.”

Nzoni Tënë so Luc asu na mbeti 17:22

Na pekoni, Jésus atene na adisiple: “Ambeni lango ayeke ga so fade ala yeke sara nzara ti bango *Molenge ti Zo gi ti lango oko, me ala yeke baa lo pepe.

Nzoni Tënë so Luc asu na mbeti 5:34

Jésus atene na ala: “Azo so a tisa ala na matanga ti mungo tere ti koli na wali, fade ala yeke hunda na azo ni ti ke kobe na ndembe so koli ni ade na popo ti ala? Oko pepe!

Nzoni Tënë so Luc asu na mbeti 5:36

Jésus atene nga na ala mbeni toli, atene: “Zo alingbi ti suru yanga ti fini bongo ti fu na le ti ka ti ngbene bongo pepe. Tongaso pepe, fade fini bongo ni ayeke suru si nduru yanga ti fini bongo ni alingbi na ngbene bongo ni pepe.

Jean 12:8

Azo ti mawa ayeke duti lakue na popo ti ala; me mbi, mbi yeke duti lakue na popo ti ala pepe.”

Jean 13:33

Amolenge ti mbi, fade mbi yeke ngba na tere ti ala gi na ya ti mbeni kete ngoi. Fade ala yeke gi mbi, me tënë so mbi tene na amakonzi ti azuife lani so, fadeso mbi yeke tene na ala: ‘Ala lingbi ti gue pepe na ndo so mbi yeke gue daa.’

Jean 16:28

Mbi londo na Babâ si mbi ga na dunia. Fadeso, mbi yeke zia dunia ti kiri na Babâ.”

Awatokua 1:9

Na peko ti tënë so, lo londo ti gue na yayu, ala ngba ti baa peko ti lo, me mbeni mbinda ahonde lo na le ti ala.

Awatokua 14:23

Paul na Barnabas asoro *akangba si azia ala na li ti *a-Eglize ni oko oko kue. Na peko ti so ala ke kobe si ala sambela, ala zia akangba ni na maboko ti *Kota Gbia, lo so ala ma na be na lo.

Awatokua 3:21

Christ ayeke ngba na yayu ngbii asi na ngoi so fade Nzapa akiri aleke aye kue na legeni. Ngoi ni so, Nzapa atene tënë ni ando na yanga ti awayanga ti lo so lo zia ala nde ndali ti lo.

1 Korente 7:5

Ala gbanzi tere ti ala na ndö ti gbogbo pepe, gi tongana ala ma tere na ya ti mbeni kete ngoi ti sambela. Na pekoni, ala kiri ti duti tongana ti kozo; tongaso pepe, fade ala yeke na ngangu ti kangango nzara ti tere pepe si Satan awara lege ti handango ala.

2 Korente 11:27

Mbi sara angangu kua mingi, aye ti ngangu asi na mbi mingi, lege mingi lango akpe na le ti mbi; nzara ti kobe na ti ngu asara mbi; lege mingi mbi lango nzara; lege mingi de asara mbi, bongo atia mbi.