Nzoni Tënë so Luc asu na mbeti 5:29 - Mbeti ti Nzapa - Tënë so amu fini

²⁹ Na pekoni, Lévi asara kota matanga na da ti lo ndali ti Jésus. Azo ti rongo nginza ti lapo na ambeni zo mingi ayeke te kobe na ala.

Nzoni Tënë so Luc asu na mbeti 5:29 ပူးပေါင်းရင်းမြစ်များ

Matthieu 11:19

*Molenge ti Zo aga, lo yeke te, lo yeke nyon, me azo atene: ‘Ala baa, koli so ayeke gbongo ti kobe si lo yeke nyon samba mingi! Lo ye tënë ti azo ti rongo nginza ti lapo na ti azo ti siokpari!’ Me ndara so alondo na Nzapa, zo ayeke hinga atene, ayeke mbirimbiri ndara gi na lege ti ye so ndara ni asara.”

Matthieu 5:46

Tongana ala ye gi azo so aye ala, nzoni ye ti nyen laa ala yeke wara na pekoni? Azo ti rongo nginza ti lapo ayeke sara nga gi tongaso pepe?

Matthieu 9:10

Na ndembe so Jésus na adisiple ti lo ayeke te kobe na da ti Matthieu, gba ti azo ti rongo nginza ti lapo na ambeni zo ti siokpari aga; ala kue abongbi na Jésus na tere ti kobe ni.

Matthieu 9:9

So Jésus alondo na ndo so ti hon, lo baa mbeni koli so iri ti lo Matthieu; lo yeke duti na ndo so azo ayeke futa lapo daa. Jésus atene na lo: “Mu peko ti mbi!” Matthieu alondo si lo mu peko ti Jésus.

Marc 2:15

Na pekoni, Jésus ague ti te kobe na da ti Lévi. Azo ti rongo nginza ti lapo na azo ti siokpari mingi aduti na tere ti lo na adisiple ti lo. Amara ti azo mingi tongaso laa ayeke mu peko ti Jésus.

Nzoni Tënë so Luc asu na mbeti 15:1

Azo ti rongo nginza ti lapo na azo ti siokpari aga nduru na tere ti Jésus ti ma lo.

Jean 12:2

A leke kobe ndali ti Jésus kâ; Marthe laa asara kua ti kobe ni. Lazare ayeke na popo ti azo so aduti ti te kobe na Jésus.

1 Korente 10:27

Tongana mbeni zo so ahinga Nzapa pepe airi ala ti te kobe si ala yeda ti gue, ayeke nzoni ala te ye so kue lo yeke mu na ala; me ala hunda nda ni pepe, ataa so ala yeke gi be ti ala.