Nzoni Tënë so Luc asu na mbeti 5:22 - Mbeti ti Nzapa - Tënë so amu fini

²² Me Jésus ahinga tënë ti be ti ala kue si lo tene na ala: “Ngbanga ti nyen laa ala yeke tene mara ti tënë tongaso na be ti ala?

Nzoni Tënë so Luc asu na mbeti 5:22 ပူးပေါင်းရင်းမြစ်များ

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

Abia (Psaumes) 139:2

Tongana mbi londo, mo hinga; tongana mbi duti, mo hinga. Aye so mbi yeke leke na be ti mbi kâ, mo hinga ni kozoni awe.

Amato 15:26

Be ti KOTA GBIA ake mingi tënë ti sioni pialo; me atënë so zo atene na nzoni be, sioni ye oko ayeke daa pepe.

Ésaïe 66:18

*KOTA GBIA atene: “Mbi hinga ye so ala yeke sara nga na tënë ti be ti ala. Lango ni alingbi awe ti bongbi amara kue na azo ti ayanga ti kodro kue. Ala yeke ga ti baa gonda ti mbi.

Ezekiel 38:10

“Tënë so mbi Kota Gbia NZAPA, mbi tene ayeke so: Na lango ni so, fade atënë mingi mingi ayeke ga na be ti mo; mo yeke leke pialo so ayeke sioni.

Matthieu 12:15

So Jésus ama tënë ti ye so ala ye ti sara na lo, lo londo na ndo so si lo hon. Gba ti azo amu peko ti lo, lo kai kobela ti ala kue.

Matthieu 12:25

Jésus ahinga tënë ti be ti ala si lo tene na ala: “Kodro so kue akangbi si azo ni ayeke tiri na popo ti ala, fade kodro ni ayeke buba. Gbata so kue wala sewa so akangbi si azo ni ayeke tiri na popo ti ala alingbi ti ngba pepe.

Matthieu 9:4

Jésus ahinga tënë ti be ti ala si lo hunda ala, lo tene: “Ngbanga ti nyen si be ti ala ayeke sioni tongaso?

Marc 8:17

Jésus ahinga tënë so ala yeke tene na popo ti ala si lo hunda ala, lo tene: “Ngbanga ti nyen ala tene: ‘E yeke na mapa pepe’? Ala de ti hinga ndo pepe? Ala ma ya ti tënë ni pepe? Ala yeke na ndara pepe?

Nzoni Tënë so Luc asu na mbeti 24:38

Jésus ahunda ala, atene: “Ala yeke gi be ti ala ngbanga ti nyen? Ala yeke dekite na be ti ala ngbanga ti nyen?

Nzoni Tënë so Luc asu na mbeti 5:21

Awafango-ndia na afarizien ato nda ti tene na be ti ala, atene: “Lo yeke zo wa si lo yeke zonga Nzapa so? Zo wa laa alingbi ti zi asiokpari ti azo? Gi Nzapa oko!”

Nzoni Tënë so Luc asu na mbeti 5:23

Titene zo atene: ‘A zi asiokpari ti mo awe’, wala titene zo atene: ‘Londo, mo tambula!’, so wa laa ayeke ngangu pepe?

Awatokua 5:3

Pierre atene na lo: “Ananias, ngbanga ti nyen si mo yeda titene Satan ali be ti mo? Yaka so mo ka so, mo gbanzi mbage ti nginza ni si mo tene mvene na Yingo-Vuru.

Ahebro 4:12

Tënë ti Nzapa ayeke na fini si ayeke na ngangu ti sara ye. Tënë ni ayeke kpo be ti zo ahon yongoro zeme so yanga ni aza mbage na mbage. Tënë ni ayeke gue ngbii akangbi popo ti be ti zo na yingo ti zo. Tënë ni ayeke kangbi popo ti mafuta ti ya ti bio nga na ndo so abio atengbi tere daa. Tënë ni ayeke sigigi na tënë ti be ti zo nga na aye so kue nzara ni ayeke na be ti zo.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.