Nzoni Tënë so Luc asu na mbeti 5:19 - Mbeti ti Nzapa - Tënë so amu fini

¹⁹ Me ala gi lege ti li na lo gbaa, ngbanga ti so azo ayeke gbani gbani. Ala gue na lo na li ti da ni, ala zi mbage ti li ni si ala yoro lo na kelekpa ti lo kue na popo ti azo ni, ala zia lo na dawa ti Jésus.

Nzoni Tënë so Luc asu na mbeti 5:19 ပူးပေါင်းရင်းမြစ်များ

2 Samuel 11:2

Mbeni lâ, na lakui, David alondo na ndö ti gbogbo ti lo, lo yeke fono na mbeni ndo so a leke na li ti da ti lo si azo ayeke duti daa. Kâ, lo baa mbeni wali so ayeke sukula ngu; wali ni apendere mingi.

Jérémie 19:13

Mbi yeke sara si ada ti azo ti Jérusalem na ada ti agbia ti Juda aga *sioni tongana ndo so ayeke na Tofet. Biani, na li ti ada so kue, azo azö dukani ndali ti gba ti atongoro, ala tuku samba ti mu na sandaga na anzapa nde.”

Matthieu 10:27

Tënë so mbi yeke tene na ala na ya ti vukongo ndo, ala tene tënë ni na kota lâ; tënë so a tene gi na ya ti mê ti ala, ala dekongo na ni na ndö ti da.

Matthieu 24:17

zo so ayeke duti na li ti da ti lo, alingbi lo zu na sese pepe ti mu ye so ayeke na ya ti da ni;

Marc 2:4

Lege ti gue na lo na Jésus ayeke daa pepe, ngbanga ti so azo ayeke gbani gbani. Tongaso ala gue na li ti da ni, ala zi mbage ti li ti da ni taa na ndö ti Jésus si ala yoro koli so na kelekpa ti lo kue na Jésus.

Ndia ti fani use ni 22:8

Tongana mo sara fini da, alingbi mo leke kete gbagba angoro li ti da ni na nduzu. Tongaso, fade tënë ayeke ga na li ti mo pepe, tongana mbeni zo alondo na li ti da ni ati akui.

1 Samuel 9:25

Na pekoni, ala londo na ndö ti hoto si ala kiri na kodro. Samuel na Saul asara lisoro na li ti da, na ndo so a leke titene azo aduti daa.