Nzoni Tënë so Luc asu na mbeti 5:15 - Mbeti ti Nzapa - Tënë so amu fini

¹⁵ Sango ti Jésus angba ti mu yanga ti azo ti gue na ni. Gba ti azo aga ti ma tënë ti lo nga titene lo kai kobela ti ala.

Nzoni Tënë so Luc asu na mbeti 5:15 ပူးပေါင်းရင်းမြစ်များ

Amato 15:33

Kpengo mbeto ti KOTA GBIA ayeke fa na zo lege ti dutingo na ndara. Kozo titene zo awara gonda, ayeke nzoni lo sara tere ti lo kete si.

Matthieu 9:26

Tënë ti ye so amu ya ti sese ni kue.

Matthieu 9:31

Me so ala sigigi awe, ala to nda ti tene tënë ti Jésus na ya ti sese ni kue.

Marc 1:28

Gi hio tongaso, sango ti Jésus amu ya ti sese ti Galile kue.

Marc 1:45

Me koli so ahon gi kete, lo to nda ti dekongo na tënë ni si lo fa ni na azo kue. Ndani laa, Jésus alingbi ti li na ya ti ambeni gbata na le ti azo pepe; lo gue, lo duti na ndo so azo ayeke daa pepe. Azo alondo na ya ti ando nde nde si ala gue na lo kâ.

Marc 3:7

Jésus na adisiple ti lo agboto tere ti ala si ala gue na tere ti kota ngu ti Galile. Gba ti azo alondo na Galile nga na Judée aga si ala mu peko ti lo.

Nzoni Tënë so Luc asu na mbeti 12:1

Na ndembe ni so, azo abongbi gbani gbani, ala yeke pete tere na popo ti ala si Jésus ato nda ti tene tënë na adisiple ti lo, lo tene: “Ala sara hange na mama ti mapa ti *afarizien, so ti tene azo so tënë ti yanga ti ala ayeke nde na sarango ye ti ala so.

Nzoni Tënë so Luc asu na mbeti 14:25

Jésus na gba ti azo ayeke tambula oko na lege ti gue. Lo baa ndo na peko si lo tene na ala:

Jean 6:2

Gba ti azo amu peko ti lo, ngbanga ti so ala baa aye ti kpene so lo sara ti kai kobela na tere ti azo.

1 Timothée 5:25

Anzoni ye so zo asara, azo ayeke baa ni na le ti ala. Ataa anzoni ye so zo abaa ni hio pepe, alingbi ti ngba na hondengo ni pepe.