Nzoni Tënë so Luc asu na mbeti 5:14 - Mbeti ti Nzapa - Tënë so amu fini

¹⁴ Jésus amu yanga na lo, atene: “Mo tene tënë ni na mbeni zo oko pepe! Me mo gue, mo fa tere ti mo na wayango-sandaga titene lo baa mo; na pekoni, mo mu *sandaga so Moïse amu yanga ando ti mungo ni so. Tongaso si mo fa na le ti azo kue so tere ti mo aga *nzoni awe.”

Nzoni Tënë so Luc asu na mbeti 5:14 ပူးပေါင်းရင်းမြစ်များ

Awayango-sandaga 13:2

“Tongana mbeni ye asuku na ndö ti poro ti tere ti zo, wala mbeni dartere asigigi na tere ti lo wala mbeni ye asuku na tere ti lo, le ni ayeke za zango si akpa buruma, ayeke nzoni ala gue na zo ni na wayango-sandaga Aaron, wala na mbeni molenge ti lo so ayeke wayango-sandaga.

Awayango-sandaga 13:49

Tongana mbeni nzoroko ti ngu-ngunza si abe kete asigigi na tere ti aye ni so, andaa asioni gugu laa. Fade a yeke gue na ni na wayango-sandaga titene lo baa ni.

Matthieu 10:18

Fade azo ni ayeke mu ala ti gue na ala na gbe ti akomanda na agbia ndali ti mbi si ala, adisiple ti mbi, ala yeke tene ye so ala hinga na ndö ti mbi na azo ni nga na azo ti amara nde.

Matthieu 12:16

Lo gboto mê ti ala ngangu titene ala sara si azo ahinga tënë ti lo pepe.

Matthieu 8:4

Na pekoni, Jésus atene na lo: “Ma mbi nzoni! Mo tene tënë ni na zo oko pepe; me mo gue, mo fa tere ti mo na wayango-sandaga titene lo baa mo, mo mu *sandaga so Moïse amu ando yanga ti mungo ni so, tongaso si mo fa na le ti azo kue so, tere ti mo aga nzoni awe.”

Matthieu 9:30

Gi na peko ti tënë so, le ti ala azi. Jésus agboto mê ti ala ngangu, lo tene: “Ala tene tënë ni na zo oko pepe!”

Marc 1:44

lo tene: “Mo tene tënë ni na zo oko pepe, me mo gue, mo fa tere ti mo na wayango-sandaga, mo mu *sandaga so Moïse amu yanga ando ti mungo ni so. Tongaso si mo fa na le ti azo kue so tere ti mo aga nzoni awe.”

Marc 6:11

Tongana azo ti mbeni kodro ake ti yamba ala, wala aye ti ma tënë ti ala pepe, ala londo na ndo ni so ahon. Ala pika sese ti gbe ti gere ti ala ti fa na azo ni so ala sara sioni awe.”

Nzoni Tënë so Luc asu na mbeti 17:14

So lo baa ala, lo tene na ala: “Ala gue, afa tere ti ala na awayango-sandaga.” Na lege ti guengo ni, tere ti ala aga *nzoni.

Nzoni Tënë so Luc asu na mbeti 5:13

Jésus ayoro maboko ti lo, lo ndu koli ni si lo tene: “Mbi yeda! Ayeke nzoni tere ti mo aga *nzoni.” Gi na pekoni, buruma ni alondo na tere ti lo.

Nzoni Tënë so Luc asu na mbeti 9:5

Ndo so kue azo ayeke yamba ala daa pepe, ala sigigi na ya ti gbata ti azo ni, ala pika sese ti gbe ti gere ti ala, ti fa sioni ti azo ni na le ti ala wani.”