Nzoni Tënë so Luc asu na mbeti 4:6 - Mbeti ti Nzapa - Tënë so amu fini

⁶ si lo tene na lo: “Fade mbi yeke mu na mo ngangu na amosoro ti dunia so kue, ngbanga ti so a mu ni kue na mbi awe; mbi lingbi ti mu ni na zo so be ti mbi aye.

Nzoni Tënë so Luc asu na mbeti 4:6 ပူးပေါင်းရင်းမြစ်များ

Esther 5:11

Lo to nda ti fa na ala gba ti mosoro so lo yeke na ni, gba ti amolenge so lo yeke na ni; lo fa nga na ala lege so gbia amu nengo mingi na lo; lege so lo zia lo ti ga makonzi na ndö ti akota zo nga na ndö ti azo ti kua ti gbia kue.

Ésaïe 23:9

*KOTA GBIA so ayeke na ndö ti dunia kue laa aleke na be ti lo ti mingo baba ti azo so azo ayeke gonda ala, ti bi kamene na le ti akota zo ti dunia so.

Ésaïe 5:14

Tongaso, fade ndo ti akuâ ayeke zi yanga ti lo kota, lo yeke zi ni akono ahon ndoni. Akota zo ti kodro na asenge zo ti gbata ni ayeke li na ya ni, ala na aye ti wusuwusu ti ala, na ngia ti ala kue.

Nzoni Tënë so Luc asu na mbeti 4:7

Tongana mo kuku na gbe ti mbi si mo voro mbi, fade aye so kue ayeke ga ti mo.”

Jean 12:31

Fadeso, ngbonga ti fango ngbanga na li ti azo ti dunia so alingbi awe; fade a yeke bi gbia ti dunia so na gigi.

Jean 14:30

Ti fadeso, mbi yeke kiri ti tene tënë na ala mingi pepe, ndali ti so gbia ti dunia so ayeke ga. Lo yeke na ngangu na ndö ti mbi pepe,

Jean 8:44

Babâ ti ala ayeke Zabolo, ala ye ti sara gi ye so be ti lo aye; kua ti lo ngbene ye na tongo nda ni laa. Lo gi lege laoko ti tene taa-tënë pepe, ngbanga ti so taa-tënë ayeke na ya ti fini ti lo pepe. Mvene ayeke ye ti tere ti lo, ngbanga ti so lo yeke zo ti mvene si lo yeke babâ ti mvene.

2 Korente 11:14

So ayeke mbeni fini ye pepe: Satan wani ayeke sara tere ti lo tongana *ange ti lumiere.

Efeze 2:2

Ala yeke sara ye ando tongana ti azo ti dunia so; ala yeke ma gi yanga ti makonzi ti asioni yingo so ayeke na popo ti nduzu na sese, yingo so laa ayeke sara kua na be ti azo so ake ti ma yanga ti Nzapa.

1 Pierre 1:24

Tongana ti so Mbeti ti Nzapa atene: “Azo ayeke tongana pere, pendere ti ala ayeke tongana kongo ti ngonda. Pere ni ayeke hole si kongo ni ayeke ti,

1 Jean 5:19

E hinga so, e yeke azo ti Nzapa, me dunia kue ayeke na gbe ti komandema ti Sioni wato.

Aye so Nzapa afa 12:9

A bi sioni nyama ni na gigi. Lo yeke ngbene ngbo so azo airi lo atene, Zabolo wala Satan, wala zo ti handango azo ti dunia kue. A bi lo na ndö ti sese, lo na a-ange ti lo.

Aye so Nzapa afa 13:2

Nyama so mbi baa lo so akpa ze. Gere ti lo akpa ti *urse si yanga ti lo akpa ti bamara. Sioni nyama ni, lo so akpa ngunde so, lo mu na nyama ni ngangu ti lo, mbata ti lo ti gbia nga na kota komandema ti lo.

Aye so Nzapa afa 13:7

A mu na lo lege ti tiri na azo ti Nzapa, ti hon ndö ti ala. A mu na lo komandema na ndö ti azo ti kete mara kue, azo ti akodro kue, azo ti ayanga ti kodro kue na azo ti amara kue.