Nzoni Tënë so Luc asu na mbeti 4:5 - Mbeti ti Nzapa - Tënë so amu fini

⁵ Zabolo amu Jésus, ague na lo yongoro na nduzu si na ya ti kete ngbonga, lo fa na lo akodro ti dunia kue

Nzoni Tënë so Luc asu na mbeti 4:5 ပူးပေါင်းရင်းမြစ်များ

Mbeti ti Job 20:5

azo ti sioni ayeke dekongo na ngia, me dekongo ni ayeke ninga pepe; azo so ake Nzapa, ngia ti ala ayeke gue yongoro pepe.

Abia (Psaumes) 73:19

Gi hio tongaso, ye kue abuba awe! Ti ala ahunzi awe, mbeto afâ ala awe!

Matthieu 24:14

Fade a yeke fa Nzoni Tënë ti *Kodro-gbia na ndö ti dunia kue, tongaso si azo ti amara kue ama ni. Na pekoni, fade ye kue ayeke hunzi.”

Matthieu 4:8

Zabolo akiri ague na lo na li ti mbeni kota hoto, lo fa na lo akodro kue ti dunia na apendere ye ti ya ni

1 Korente 15:52

gi hio tongaso, tongana ti so zo ayeke ko le ti lo na ndembe so tanga ti tatalita ayeke toto. Biani, na ndembe so tatalita ni ayeke toto, akuâ ayeke zingo na mbeni tere so ayeke kiri ti buba pepe; ti e, tere ti e ayeke ga nde.

1 Korente 7:31

Azo so ayeke wara anzoni ye ti dunia so, alingbi ala duti tongana ti so ala wara fade ni pepe. Biani, dunia ti fadeso, tongana ti so e yeke baa so ayeke hon hongo.

2 Korente 4:17

Pasi so e yeke baa fadeso ayeke gi ndali ti kete ngoi. Pasi ni ayeke leke e ndali ti kota gonda so ayeke ngba lakue lakue si ayeke kota ahon ndoni.

Efeze 2:2

Ala yeke sara ye ando tongana ti azo ti dunia so; ala yeke ma gi yanga ti makonzi ti asioni yingo so ayeke na popo ti nduzu na sese, yingo so laa ayeke sara kua na be ti azo so ake ti ma yanga ti Nzapa.

Efeze 6:12

Biani, e yeke tiri bira ni na azo pepe, me na ayingo so ayeke na komandema, ala so ayeke na ngangu na ndö ti dunia so ayeke na ya ti vukongo ndo, so ti tene asioni yingo so ayeke na le ti nduzu.