Nzoni Tënë so Luc asu na mbeti 4:40 - Mbeti ti Nzapa - Tënë so amu fini

⁴⁰ Na lakui ni, azo so kue ayeke na azo ti kobela nde nde na da ti ala amu ala, aga na ala na Jésus. Lo zia maboko ti lo na ndö ti ala si kobela ti ala akai.

Nzoni Tënë so Luc asu na mbeti 4:40 ပူးပေါင်းရင်းမြစ်များ

Matthieu 11:5

awaziba akiri abaa ndo, azo so gere ti ala abuba akiri atambula nzoni, tere ti azo ti buruma aga nzoni, azo so mê ti ala akanga akiri ama ndo, azo azingo na kuâ, a fa Nzoni Tënë na azo ti mawa.

Matthieu 14:13

So Jésus ama tënë so, lo londo na ndo so, lo ko na ya ti ngo si lo gue na mbeni ndo so zo ayeke daa pepe. Gba ti azo ama a tene, lo hon; ala londo na ya ti agbata nde nde si ala mu peko ti lo na gere.

Marc 3:10

Biani, azo ti kobela ayeke gbugburu tere ti ala ti ndu Jésus, ngbanga ti so lo kai kobela ti azo mingi.

Marc 5:23

si lo voro Jésus mingi ti mu na lo maboko; lo tene: “Molenge ti mbi ti wali aga nduru ti kui. Mo ga, mo zia maboko ti mo na ndö ti lo titene lo soo kuâ si lo ngba na fini!”

Marc 6:5

Jésus alingbi ti sara mbeni ye ti kpene oko na ndo so pepe. Me lo zia gi maboko ti lo na ndö ti ambeni zo ti kobela si kobela ti ala akai.

Awatokua 19:12

Nilaa azo ayeke mu abongo wala siriki so andu tere ti Paul, ala ga na ni na azo ti kobela si kobela ti azo ni akai, asioni yingo asigigi na ya ti ala.

Awatokua 5:15

Azo ayeke sigigi na azo ti kobela na tere ti akota lege, ala zia azo ni na ndö ti agbogbo wala akelekpa titene tongana Pierre ayeke hon, gbe-de ti lo ahon na ndö ti ambeni na popo ti ala.