Nzoni Tënë so Luc asu na mbeti 4:4 - Mbeti ti Nzapa - Tënë so amu fini

⁴ Jésus akiri tënë na lo: “Mbeti ti Nzapa atene: ‘Fade zo ayeke ngba na fini gi na lege ti kobe oko pepe.’ ”

Nzoni Tënë so Luc asu na mbeti 4:4 ပူးပေါင်းရင်းမြစ်များ

Sigingo 23:25

Tongana ala voro gi mbi oko KOTA GBIA, Nzapa ti ala, fade mbi yeke sara tufa na ndö ti kobe ti ala nga na ndö ti ngu ti ala; fade mbi yeke tumba kobela yongoro na tere ti ala.

Ésaïe 8:20

fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Jérémie 49:11

‘Ala zia anyindu ti ala na mbi senge; mbi laa, fade mbi yeke bata ala. Awali-mua ti ala alingbi ti zia be ti ala na ndö ti mbi senge.’ ”

Matthieu 4:4

Jésus akiri tënë na lo: “Mbeti ti Nzapa atene: ‘Fade zo ayeke ngba na fini gi na lege ti kobe oko pepe, me na lege ti tënë so kue asigigi na yanga ti Nzapa.’ ”

Matthieu 6:31

Tongaso, ala gi be ti ala pepe, atene: ‘Fade e yeke te nyen? Fade e yeke nyon nyen? Fade e yeke wara bongo na ndo wa ti yu?’

Nzoni Tënë so Luc asu na mbeti 22:35

Jésus atene na ala: “So lani mbi tokua ala si ala gue na bozo ti nginza pepe, na bozo ti kobe pepe, na poro pepe so, mbeni ye atia ala?” Ala kiri tënë na lo, atene: “Ye oko atia e pepe.”

Nzoni Tënë so Luc asu na mbeti 4:10

ngbanga ti so Mbeti ti Nzapa atene: ‘Fade Nzapa ayeke mu yanga na *a-ange ti lo ndali ti mo, ti bata mo.’

Nzoni Tënë so Luc asu na mbeti 4:3

Tongaso Zabolo atene na lo: “Tongana mo yeke Molenge ti Nzapa, mo mu yanga na têne so titene aga kobe!”

Nzoni Tënë so Luc asu na mbeti 4:8

Jésus akiri tënë na lo: “Mbeti ti Nzapa atene: ‘Mo voro *Kota Gbia, Nzapa ti mo si mo sara kua gi na lo oko!’ ”

Efeze 6:17

Ala mu songo so Nzapa asoo ala tongana kpoto ti wen ti batango na li ti ala. Ala mu nga tënë ti Nzapa tongana yongoro zeme so Yingo amu na ala.

Ndia ti fani use ni 8:3

Na peko ti aye ti ngangu so KOTA GBIA asara si asi na ala, na peko ti so lo sara si ala baa pasi na nzara, lo mu na ala *mane, kobe so ala hinga kozoni pepe. Ataa ala wani, ataa akotara ti ala ahinga kobe ni so pepe. Lo sara tongaso ti fa na ala so zo ayeke ngba na fini gi na lege ti kobe pepe, me na lege ti tënë so kue ayeke sigigi na yanga ti KOTA GBIA.