Nzoni Tënë so Luc asu na mbeti 4:35 - Mbeti ti Nzapa - Tënë so amu fini

³⁵ Jésus asuku ngangu na yingo ni, atene: “Kanga yanga ti mo! Sigigi na ya ti koli so!” Sioni yingo ni akinda koli ni na sese na le ti azo kue si lo sigigi na ya ti lo. Me lo sara ye ti sioni oko na koli ni pepe.

Nzoni Tënë so Luc asu na mbeti 4:35 ပူးပေါင်းရင်းမြစ်များ

Abia (Psaumes) 50:16

Me Nzapa atene na zo ti sioni, atene: “Ngbanga ti nyen si mo yeke diko kpere kpere na andia ti mbi si mo yeke tene tënë ti mbuki ti mbi na yanga ti mo senge senge so?”

Zakarii 3:2

Ange ti KOTA GBIA atene na Satan: “Satan, ayeke nzoni KOTA GBIA akanga yanga ti mo! Biani, ayeke nzoni KOTA GBIA akanga yanga ti mo; lo so lo soro Jérusalem so. Ti Yeshua, lo yeke tongana mbeni nduru keke ti wâ so a gboto ni na le ti wâ asigigi na ni awe pepe?”

Matthieu 17:18

Jésus asuku ngangu na sioni yingo ni si yingo ni asigigi na ya ti molenge ni. Gi na ndembe ni so, tere ti molenge ni aga nzoni.

Matthieu 8:26

Jésus atene na ala: “Ala azo ti kete mabe, mbeto agbu ala ngbanga ti nyen?” Na pekoni, lo londo, lo suku na pupu nga na amapo ni si ndo ade ngii.

Marc 1:26

Tongaso sioni yingo ni adekongo, lo yingi koli ni ngangu si lo sigigi na ya ti lo.

Marc 4:39

Lo londo, lo suku ngangu na pupu ni, lo tene: “Kai! Duti kpoo!” Tongaso pupu ni akai si ndo ade ngii.

Marc 9:26

Yingo ni adekongo, ayingi molenge ni ngangu si asigigi. Molenge-koli ni aga tongana zo so akui awe. Azo so aduti na tere ni atene: “Lo kui awe.”

Nzoni Tënë so Luc asu na mbeti 11:22

Me tongana mbeni zo so ngangu ti lo ahon ti koli so aga si akinda lo, amu aye ti bira ti lo so kue lo zia be ti lo daa, fade lo yeke kangbi aye ti lo ni na azo.

Nzoni Tënë so Luc asu na mbeti 4:23

Lo tene na ala, lo tene: “Fade ala yeke tene na mbi *mato so: ‘Wanganga, mo kai kobela ti mo wani!’ Ala yeke tene nga na mbi, atene: ‘E ma tënë ti aye so mo sara na Kapernaum; mo sara ni nga na kodro ti mo ge ma!’ ”

Nzoni Tënë so Luc asu na mbeti 4:39

Lo dingi tere ti lo na ndö ti mama ni, lo suku na kobela ti wâ ti tere ni si kobela ni alondo na tere ti lo. Gi na pekoni, mama ni alondo si ato nda ti sara na ala.

Nzoni Tënë so Luc asu na mbeti 4:41

Asioni yingo nga asigigi na ya ti azo mingi. Ala dekongo, atene: “Mo yeke Molenge ti Nzapa.” Me Jésus asuku ngangu na ayingo ni. Lo ke na ala ti tene tënë, ngbanga ti so ala hinga atene, lo yeke Christ.

Nzoni Tënë so Luc asu na mbeti 8:24

Ala ga azingo Jésus, atene: “Kota zo, kota zo, e yeke kui!” Lo zingo na lango, lo suku na pupu nga na *amapo ni si ala kai, ndo ade.

Nzoni Tënë so Luc asu na mbeti 9:39

Lakue tongana sioni yingo agbu lo, lo yeke dekongo, sioni yingo ni ayeke yingi lo mingi, asara si *furu ayeke sigigi na yanga ti lo; sigingo ti sioni yingo ni na ya ti molenge ni ayeke ngangu. Tongana lo ga ti sigigi, andaa molenge ni awoko kue awe.

Nzoni Tënë so Luc asu na mbeti 9:42

So molenge ni asi, sioni yingo ni abi lo na sese si ayeke yingi lo ngangu. Me Jésus asuku ngangu na sioni yingo ni; lo sara si tere ti molenge ni akiri aga nzoni si lo kiri na lo na babâ ti lo.

Aye so Nzapa afa 12:12

Ndani laa, ala, yayu na ala so ayeke duti na yayu, ala duti na ngia! Mawa na ala, sese na kota ngu-ingo, ngbanga ti so Zabolo azu na ala kâ awe! Ngonzo agbu lo ngangu, ngbanga ti so ngoi ti lo angba mingi pepe.”