Nzoni Tënë so Luc asu na mbeti 4:34 - Mbeti ti Nzapa - Tënë so amu fini

³⁴ “Ti mo na e nyen, Jésus, zo ti Nazaret? Mo ga ti fâ e laa! Mbi hinga mo: mo yeke zo ti nzoni kue so Nzapa azia mo nde si lo tokua mo.”

Nzoni Tënë so Luc asu na mbeti 4:34 ပူးပေါင်းရင်းမြစ်များ

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

1 Agbia 17:18

Mama ti molenge ni atene na Élie: “Zo ti Nzapa, ti mo na mbi nyen? Mo ga na da ti mbi ti kiri ti fa na Nzapa peko ti asioni ye so mbi sara? Mo ga nga ti sara titene molenge ti mbi akui?”

Abia (Psaumes) 16:10

Biani, mo yeke zia mbi na ndo ti akuâ pepe, mo yeke zia mbi, zo ti mo titene mbi fun na ya ti du ti kuâ pepe.

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Matthieu 8:29

Ala dekongo, atene: “Mo, Molenge ti Nzapa! Ti mo na e nyen? Mo ga ti sara pasi na e kozoni si lango ni asi?”

Marc 1:24

lo tene: “Ti mo na e nyen, Jésus, zo ti Nazaret? Mo ga ti fâ e? Mbi hinga mo, mo yeke zo ti nzoni kue so Nzapa azia mo nde si lo tokua mo.”

Marc 1:34

Jésus akai kobela na tere ti azo mingi, lo tumba nga asioni yingo mingi; me ye oko so lo ke ayeke titene ayingo ni atene tënë, ngbanga ti so ala hinga lo kue.

Marc 5:7

si lo dekongo ngangu, lo tene: “Jésus, Molenge ti Nzapa so ayeke na yayu kâ na ndö ti aye kue, ti mo na mbi nyen? Mbi hunda mo na iri ti Nzapa, sara sioni na mbi pepe!”

Nzoni Tënë so Luc asu na mbeti 1:35

Ange ni akiri tënë na lo, atene: “Fade Yingo-Vuru ayeke ga na ndö ti mo si ngangu ti Nzapa, lo so lo yeke na yayu kâ na ndö ti aye kue ayeke duti na ndö ti mo tongana gbe ti de. Ndani laa molenge so mo yeke du lo ayeke ga zo so ayeke nde si ayeke nzoni kue; azo ayeke iri lo Molenge ti Nzapa.

Nzoni Tënë so Luc asu na mbeti 4:33

Na ya ti da ti sambelango Nzapa ni, mbeni koli ayeke daa, mbeni sioni yingo ayeke na ya ti lo. Lo dekongo ngangu, atene:

Nzoni Tënë so Luc asu na mbeti 4:41

Asioni yingo nga asigigi na ya ti azo mingi. Ala dekongo, atene: “Mo yeke Molenge ti Nzapa.” Me Jésus asuku ngangu na ayingo ni. Lo ke na ala ti tene tënë, ngbanga ti so ala hinga atene, lo yeke Christ.

Nzoni Tënë so Luc asu na mbeti 8:28

So lo baa Jésus, lo dekongo, lo ti na gbe ti lo si lo tene tënë na kota go, lo tene: “Jésus, Molenge ti Nzapa so ayeke na yayu kâ na ndö ti aye kue, ti mo na mbi nyen? Mbi gbu gere ti mo, sara sioni na mbi pepe!”

Nzoni Tënë so Luc asu na mbeti 8:37

Azo ti sese ti Zeraza kue ahunda na Jésus ti londo na ndo ti ala ti hon, ngbanga ti so kota mbeto agbu ala mingi. Jésus ako na ya ti ngo si lo kiri.

Awatokua 16:39

Tongaso ala gue, agbu gere ti Paul na Silas, azi ala na da ti kanga ni si ahunda na ala ti sigigi na ya ti gbata ni ti gue.

Awatokua 2:27

Fade mo yeke zia mbi na ndo ti akuâ pepe; mbi so mbi zia be ti mbi kue ti sara na mo, fade mo yeke zia mbi ti fun na ya ti du ti kuâ pepe.

Awatokua 3:14

Lo so lo yeke nde, lo yeke nzoni kue si lo yeke mbirimbiri, ala ke lo si ala hunda titene Pilate azi na ala zo ti fango zo ti zia ngia na be ti ala.

Awatokua 4:27

“Biani, Herode na Ponse Pilate, ala na azo ti amara nde na azo ti Israel abongbi tere na ya ti gbata so, ala leke tënë na tere ti Jésus, zo ti kua ti mo so ayeke nde si ayeke nzoni kue so, lo so mo mu lo ti ga Mesii.

Ahebro 2:14

Ndali ti so amolenge ni ayeke na tere na mene oko, Jésus aga tongana ala si lo mu tere ti zo. Tongaso, na lege ti kuâ ti lo, lo kinda Zabolo so ayeke ando na ngangu na ndö ti kuâ.

Jacques 2:19

Mo ma na be so Nzapa ayeke gi oko? So nzoni. Asioni yingo nga ama na be so lo yeke gi oko si tere ti ala yeke do.

1 Jean 3:8

Zo so ayeke sara siokpari, lo yeke zo ti Zabolo, ngbanga ti so Zabolo ayeke sara siokpari, ngbene ye na tongo nda ni. Molenge ti Nzapa aga mbirimbiri ti buba aye so Zabolo ayeke sara.

Aye so Nzapa afa 20:2

Lo gbu sioni nyama so akpa ngunde, so ti tene ngbene ngbo so ayeke Zabolo wala Satan, lo kanga lo na zingiri ni ndali ti ngu saki oko.

Aye so Nzapa afa 3:7

“Su mbeti so, mo tokua na *ange so ayeke na li ti *Eglize ti gbata ti Filadelfii: “Lo so lo yeke nde si lo yeke nzoni kue, lo so lo yeke tene gi taa-tënë, lo so lo yeke na kerere ti David na maboko ti lo, lo laa lo yeke tene tënë so. Tongana lo zi yanga ti da, mbeni zo alingbi ti kanga ni pepe; tongana lo kanga ni, mbeni zo alingbi ti zi ni pepe.