Nzoni Tënë so Luc asu na mbeti 4:28 - Mbeti ti Nzapa - Tënë so amu fini

²⁸ Azo so kue ayeke na ya ti da ti sambelango Nzapa ni ama tënë so si le ti ala abe na ngonzo.

Nzoni Tënë so Luc asu na mbeti 4:28 ပူးပေါင်းရင်းမြစ်များ

2 Mbai 16:10

Asa asara ngonzo na tere ti zo ti bango nda ti aye si lo mu yanga titene a bi lo na da ti kanga, ngbanga ti so be ti Asa aso na tere ti lo ndali ti tënë so lo tene. Gi na ndembe ni so, Asa ato nda ti nika ambeni zo ti kodro.

Jérémie 38:6

Tongaso ala mu Jérémie si ala bi lo na ya ti du ti ngu ti Malkia, molenge ti gbia. Du ti ngu ni ayeke na ya ti gbagba ti aturugu ti batango gbia. Ala zia lo na ya ti du ni na lege ti kamba. Na ya ti du ni, ngu ayeke daa pepe, gi potopoto. Nilaa Jérémie alinda na ya ti potopoto ni.

Matthieu 2:16

So Herode ahinga atene, azo ti gingo nda ti atongoro ahanda lo awe, ngonzo agbu lo ngangu mingi. Lo mu yanga titene a fâ akete molenge-koli kue ti gbata ti Betlehem na ti akodro so ayeke nduru na tere ni. A fâ amolenge so ngu ti ala ayeke use na ala so ade awara ngu use pepe. Herode asara ye ni alingbi na tënë so azo ti gingo nda ti atongoro atene na lo na ndö ti lango ti sigingo ti tongoro ni.

Nzoni Tënë so Luc asu na mbeti 4:27

Azo ti buruma nga asi singo ando na Israel na ngoi ti wayanga-Nzapa Élisée; me buruma ti mbeni zo oko na popo ti ala ahunzi pepe, gi ti Naaman, zo ti sese ti Sirii.”

Nzoni Tënë so Luc asu na mbeti 4:29

Ala londo, ala gboto lo asigigi na lo na ya ti kodro ni si ala gue na lo na li ti hoto so ala sara gbata ti ala na ndö ni titene ala pusu lo, abi lo na gbeni ti fâ lo.

Nzoni Tënë so Luc asu na mbeti 6:11

Ngonzo agbu awafango-ndia na afarizien si ala yeke tene tënë na popo ti ala na ndö ti ye so ala lingbi ti sara na Jésus.

Awatokua 5:33

So azo ti fango ngbanga ni ama tënë so, ngonzo agbu ala ahon ndoni si ala ye ti fâ awatokua ni.

Awatokua 7:54

So azo ti *Kota Bongbi ti Fango Ngbanga ni ama tënë so, ngonzo ti ala alondo tongana wâ si ala yeke te pembe ti ala na tere ti Étienne.