Nzoni Tënë so Luc asu na mbeti 4:23 - Mbeti ti Nzapa - Tënë so amu fini

²³ Lo tene na ala, lo tene: “Fade ala yeke tene na mbi *mato so: ‘Wanganga, mo kai kobela ti mo wani!’ Ala yeke tene nga na mbi, atene: ‘E ma tënë ti aye so mo sara na Kapernaum; mo sara ni nga na kodro ti mo ge ma!’ ”

Nzoni Tënë so Luc asu na mbeti 4:23 ပူးပေါင်းရင်းမြစ်များ

Matthieu 13:54

Lo gue na Nazaret, gbata so lo kono daa si lo yeke fa ye na azo ti gbata ni na ya ti da ti sambelango Nzapa ti ala. Li ti azo ni kue akpe si ala yeke hunda ndo, atene: “Lo wara ndara so na ndo wa? Lo wara ngangu ti sarango aye ti kpene so na ndo wa?

Matthieu 4:13

Lo zia gbata ti Nazaret si lo gue, lo duti na gbata ti Kapernaum, so ayeke na tere ti kota ngu ti Galile, na sese ti Zabulon na ti Neftali.

Matthieu 4:23

Jésus atambula na ya ti Galile kue; lo fa ye na azo na ya ti ada ti sambelango Nzapa ti kodro ni, lo fa Nzoni Tënë ti *Kodro-gbia ti yayu, lo kai akobela kue na tere ti azo, lo sara si azo so mbage ti tere ti ala abuba, aga nzoni.

Marc 6:1

Jésus alondo na ndo so si lo kiri na gbata so lo kono daa. Adisiple ti lo amu peko ti lo.

Nzoni Tënë so Luc asu na mbeti 2:39

So babâ na mama ti Jésus asara ye so kue *Ndia ti *Kota Gbia ahunda na ala awe, ala kiri na sese ti Galile, na Nazaret, gbata ti ala.

Nzoni Tënë so Luc asu na mbeti 2:51

Na pekoni, Jésus na ala akiri na Nazaret. Lo yeke ma yanga ti ala. Mama ti lo angba ti dabe ti lo na aye so.

Nzoni Tënë so Luc asu na mbeti 4:16

Jésus akiri na gbata ti Nazaret, ndo so a bata lo daa. Na *lango ti wungo tere, lo li na ya ti da ti sambelango Nzapa tongana ti so lo yeke sara lakue. Lo londo ti diko Mbeti ti Nzapa

Nzoni Tënë so Luc asu na mbeti 4:31

Jésus ague na Kapernaum, mbeni gbata ti Galile. Kâ, lo fa ye na azo na *lango ti wungo tere.

Nzoni Tënë so Luc asu na mbeti 4:35

Jésus asuku ngangu na yingo ni, atene: “Kanga yanga ti mo! Sigigi na ya ti koli so!” Sioni yingo ni akinda koli ni na sese na le ti azo kue si lo sigigi na ya ti lo. Me lo sara ye ti sioni oko na koli ni pepe.

Nzoni Tënë so Luc asu na mbeti 6:42

Tongana nyen laa mo yeke tene na mba ti mo, mo tene: ‘Ita, ku mbi zi pere so ayeke na le ti mo’ si ti mo, mo yeke baa kota keke so ayeke na le ti mo so pepe? Mo so tënë ti yanga ti mo ayeke nde na sarango ye ti mo so, ayeke nzoni mo zi kota keke so ayeke na le ti mo so kozoni si na pekoni, mo baa ndo nzoni ti zi pere so ayeke na le ti mba ti mo.”

Jean 4:28

Tongaso wali ni azia ta ti ngu ti lo na ndo so si lo kiri na ya ti gbata ni; lo tene na azo, lo tene:

2 Korente 5:16

Ndani laa, ti fadeso, e yeke kiri ti baa zo oko na le ti e na bango ndo ti zo pepe. Ataa so e baa Christ ando na le ti e na bango ndo ti zo, ti fadeso e yeke kiri ti baa lo tongaso pepe.