Nzoni Tënë so Luc asu na mbeti 4:22 - Mbeti ti Nzapa - Tënë so amu fini

²² Ala kue ayeke gonda lo; li ti ala kue akpe ndali ti tënë ti nzoni be so ayeke sigigi na yanga ti lo. Ala hunda ndo, atene: “Molenge ti Joseph so laa pepe?”

Nzoni Tënë so Luc asu na mbeti 4:22 ပူးပေါင်းရင်းမြစ်များ

Abia (Psaumes) 45:2

Be ti mbi asi singo na anzoni tënë ti tenengo ni; mbi yeke he nzoni bia ti mbi na gbia. Ayeke nzoni yanga ti mbi ayapu na bia ni tongana keke ti mbeti ti zo so ahinga ti su mbeti nzoni.

Abia (Psaumes) 45:4

Mo, ngangu zo ti bira, kanga yongoro zeme ti mo na ngbonda ti mo; so laa afa gonda ti mo na nengo ti mo ti gbia.

Amato 10:32

Zo ti mbirimbiri ayeke tene tënë na nzoni be; me azo ti sioni ayeke tene gi mvene.

Amato 16:21

Zo so ayeke gbu li ti lo na ndara, lo yeke zo ti hingango ye. Zo so atene anzerengo tënë na mba ti lo, fade mba ti lo ni ayeke yeda na lo.

Amato 25:11

Tënë so zo atene si alingbi taa na ngoi ni ayeke tongana aye ti pendere so a sara na lôro si a zia alimo so a sara na wen ti nginza daa.

Zo ti bongbingo azo 10:12

Tënë ti yanga ti zo ti ndara anzere na be ti azo; me tënë ti yanga ti zo ti buba afâ lo.

B. ti abia 5:16

Tongana lo su yanga ti mbi, anzere nzerengo, tere ti lo kue laa mbi ye ni. Ala amolenge-wali ti Jérusalem, baa kamba ti be ti mbi laa, koli so mbi ye lo mingi so laa.

Ésaïe 50:4

Kota Gbia NZAPA afa na mbi tënë so mbi lingbi ti tene, titene mbi hinga lege ti mu ngangu na zo so awoko. Lakue na ndaperere, lo yeke zingo mbi, lo yeke zi mê ti mbi titene mbi ma ndo tongana adisiple.

Nzoni Tënë so Luc asu na mbeti 2:47

Azo so kue ayeke ma lo, li ti ala kue akpe ndali ti hingango ye ti lo nga ndali ti atënë so lo yeke kiri na ni na ala.

Nzoni Tënë so Luc asu na mbeti 2:48

So babâ na mama ti lo abaa lo, li ti ala kue akpe si mama ni atene na lo: “Molenge ti mbi, mo sara mara ti ye tongaso na e ngbanga ti nyen? Baa, mbi na babâ ti mo, e gi mo gbaa, be ti e kue ayeke na nduzu.”

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

Nzoni Tënë so Luc asu na mbeti 4:21

Tongaso lo to nda ti tene na ala, atene: “Laso, tënë ti Mbeti ti Nzapa so aga taa-tënë awe ndali ti ala so ama ni.”

Jean 1:45

Na pekoni, Philippe awara Natanael si lo tene na lo: “Zo so ando Moïse atene tënë ti lo na ya ti mbeti ti *Ndia so, lo so nga awayanga-Nzapa atene tënë ti lo so, e wara lo awe. Zo ni ayeke Jésus, molenge ti Joseph, zo ti Nazaret.”

Jean 6:42

Ala hunda tere ti ala, atene: “So Jésus, molenge ti Joseph, so e hinga babâ ti lo na mama ti lo so laa pepe? Tongana nyen laa fadeso lo tene: ‘Mbi londo na yayu si mbi ga so?’”

Jean 7:46

Aturugu ni akiri tënë na ala, atene: “Mbeni zo ti tene tënë tongana koli so ayeke daa oko pepe!”

Awatokua 6:10

Me Étienne atene tënë na lege ti ndara so Yingo-Vuru amu na lo, nilaa ala lingbi ti hon lo na tënë pepe.

Tite 2:8

Mo tene gi tënë so ayeke na legeni si zo alingbi ti kasa ni pepe, tongaso si wato agi tënë ti bi na li ti e gbaa si kamene agbu lo.