Nzoni Tënë so Luc asu na mbeti 4:21 - Mbeti ti Nzapa - Tënë so amu fini

²¹ Tongaso lo to nda ti tene na ala, atene: “Laso, tënë ti Mbeti ti Nzapa so aga taa-tënë awe ndali ti ala so ama ni.”

Nzoni Tënë so Luc asu na mbeti 4:21 ပူးပေါင်းရင်းမြစ်များ

Matthieu 13:14

Tongaso, tënë ti yanga ti Nzapa so Ésaïe atene ando na ndö ti ala so aga taa-tënë; lo tene: ‘Fade ala yeke ma ndo, me ala yeke ma ya ti atënë ni oko pepe; ala yeke baa ndo, me ala yeke baa ye oko pepe.

Nzoni Tënë so Luc asu na mbeti 4:20

Jésus akanga mbeti ni, lo mu ni na zo so ayeke sara kua na ya ti da ti sambelango Nzapa si na pekoni, lo duti. Le ti azo so kue ayeke na ya ti da ni atuku na ndö ti lo.

Nzoni Tënë so Luc asu na mbeti 4:22

Ala kue ayeke gonda lo; li ti ala kue akpe ndali ti tënë ti nzoni be so ayeke sigigi na yanga ti lo. Ala hunda ndo, atene: “Molenge ti Joseph so laa pepe?”

Jean 5:39

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

Awatokua 3:18

Na lege so laa Nzapa asara ye alingbi na tënë so lo zia ando na yanga ti awayanga ti lo si ala tene. Lo tene: fade *Mesii ayeke baa pasi.