Nzoni Tënë so Luc asu na mbeti 4:1 - Mbeti ti Nzapa - Tënë so amu fini

¹ So Jésus asi na Yingo-Vuru, lo londo na ngu ti Jourdain lo kiri, Yingo amu lo, ague na lo na benyama.

Nzoni Tënë so Luc asu na mbeti 4:1 ပူးပေါင်းရင်းမြစ်များ

1 Agbia 18:12

Me gi so mbi yeke zia mo ti hon, fade yingo ti KOTA GBIA ayeke mu mo ti hon na mo na mbeni ndo so mbi hinga pepe. Ti mbi, mbi yeke gue ti tene tënë ni na Akab; tongana lo wara mo pepe, fade lo yeke fâ mbi. Andaa ti londo na ngoi so mbi de molenge ngbii asi laso, mbi zo ti kua ti mo, mbi yeke kpe mbeto ti KOTA GBIA mingi.

1 Agbia 19:4

Ti lo, lo gue na benyama; lo tambula na ya ti lango oko si lo si kâ. So Élie asi kâ awe, lo duti na gbe ti mbeni kete keke. Lo iri kuâ titene aga amu lo, lo tene: “*KOTA GBIA, fadeso ye ni ahon ndoni awe! Mo mu fini ti mbi. Biani, mbi yeke nzoni mbi hon akotara ti mbi pepe.”

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Ezekiel 3:14

Tongaso yingo so fade ayo mbi na nduzu so ahon na mbi. Maboko ti KOTA GBIA agbu mbi si ayeke ngangu ahon mbi. Tongaso mbi hon, be ti mbi na vundu, be ti mbi ayeke so songo.

Matthieu 3:16

Gi so Jésus awara bateme awe, lo sigigi na ya ti ngu ni. Na ndembe ni so, yanga ti yayu azi, lo baa Yingo ti Nzapa so azu tongana *mbipa si aga na ndö ti lo.

Nzoni Tënë so Luc asu na mbeti 2:27

Yingo apusu lo si lo gue na ya ti kota da ti Nzapa. So babâ na mama ti Jésus, kete molenge so, aga na lo ti sara ye so Ndia ahunda na ala ti sarango ni,

Nzoni Tënë so Luc asu na mbeti 3:3

Lo gue na sese so kue ayeke na yanga ti ngu ti Jourdain, lo to mbela na azo, lo tene: “Ala zia ngbene lege ti sarango ye ti ala, ala wara bateme si Nzapa azi siokpari na li ti ala.”

Nzoni Tënë so Luc asu na mbeti 3:38

Kenan ayeke molenge ti Enos; Enos ayeke molenge ti Set; Set ayeke molenge ti Adam; Adam ayeke molenge ti Nzapa.

Nzoni Tënë so Luc asu na mbeti 4:14

Jésus alondo akiri na Galile, ngangu ti Yingo-Vuru asi lo singo. Sango ti lo amu ya ti akodro ni kue.

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Jean 1:32

Jean afa na azo peko ti ye so lo baa si lo tene: “Mbi baa Yingo alondo na yayu tongana *mbipa azu si aduti na ndö ti lo.

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

Awatokua 1:2

ngbii asi na lango so a mu lo na yayu. Kozo titene a mu Jésus na yayu, lo mu yanga na lege ti ngangu ti Yingo-Vuru na azo so lo soro ala ti ga *awatokua.

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 8:39

So ala sigigi na ya ti ngu ni awe, Yingo ti Kota Gbia amu Philippe ahon na lo si mbaiwa ni akiri abaa lo pepe. Lo mu lege ti gue na ngia na be ti lo.