Nzoni Tënë so Luc asu na mbeti 3:8 - Mbeti ti Nzapa - Tënë so amu fini

⁸ Ala sara ye so afa atene, ala zia ngbene lege ti sarango ye ti ala awe! Ala tene na be ti ala pepe, atene: ‘Abraham ayeke kotara ti e!’ Biani, mbi tene na ala: Nzapa alingbi ti mu atêne so ti sara si aga amolenge ti Abraham!

Nzoni Tënë so Luc asu na mbeti 3:8 ပူးပေါင်းရင်းမြစ်များ

Néhémie 5:11

Gi laso laso, ayeke nzoni ala kiri na azo ni ayaka ti ala, ayaka ti vinye ti ala, ayaka ti a-olive ti ala nga na ada ti ala. Ataa nginza, ble, fini vin na mafuta so ala sara boon ni na azo ni titene azo ni azia mbeni ye na ndö ni si akiri na ni na ala, ayeke nzoni ala kiri ahunda ni pepe.”

Ezekiel 33:24

“*Molenge ti zo, azo so angba na Israel si ayeke lango na ya ti gbata so abuba awe so, atene: ‘Abraham ayeke ando gi lo oko si lo mu sese so ti ga ye ti lo. Me ti e, e yeke gbani, e lingbi fadeso ti mu sese so ti ga ye ti e senge.’

Matthieu 21:43

Ndani laa, Jésus atene: “Mbi tene na ala: fade a yeke zi *Kodro-gbia ti Nzapa na maboko ti ala ti mu na azo so asara ye alingbi na ni. [

Matthieu 3:8

Ala sara ye so afa atene, ala zia ngbene lege ti sarango ye ti ala awe!

Matthieu 3:9

Ala tene na be ti ala pepe, atene: ‘Abraham ayeke kotara ti e.’ Biani, mbi tene na ala: Nzapa alingbi ti mu atêne so ti sara si aga amolenge ti Abraham!

Nzoni Tënë so Luc asu na mbeti 13:25

“Fade wa ti da ni ayeke londo si lo yeke kanga yanga ti da ni. Tongaso ala so ayeke ngba ande na gigi, ala yeke to nda ti pika yanga ti da ni si ala tene: ‘Kota Gbia, zi na e yanga ti da ni!’ Fade lo yeke tene na ala: ‘Mbi hinga ndo so ala londo daa pepe!’

Nzoni Tënë so Luc asu na mbeti 13:26

Fade ala yeke tene na lo: ‘E na mo, e te, e nyon; lani mo fa ye na ya ti abalabala ti kodro ti e.’

Nzoni Tënë so Luc asu na mbeti 14:9

si zo so atisa ala use kue so aga atene na mo: ‘Zia ngende ti mo na lo.’ Fade mo yeke gue na kamene na le ti mo ti duti na ndö ti ngende ti ndani.

Nzoni Tënë so Luc asu na mbeti 19:40

Lo kiri tënë na ala, lo tene: “Mbi tene na ala: tongana ala kai, fade atêne ayeke dekongo!”

Nzoni Tënë so Luc asu na mbeti 19:9

Jésus atene na lo: “Laso, Nzapa asoo azo ti da so awe, ngbanga ti so Zachée nga ayeke *hale ti Abraham.

Nzoni Tënë so Luc asu na mbeti 5:21

Awafango-ndia na afarizien ato nda ti tene na be ti ala, atene: “Lo yeke zo wa si lo yeke zonga Nzapa so? Zo wa laa alingbi ti zi asiokpari ti azo? Gi Nzapa oko!”

Jean 8:33

Ala kiri tënë na lo, atene: “Kotara ti e ayeke Abraham, laoko e sara ngbaa na gbe ti mbeni zo pepe. Tongana nyen laa mo tene e yeke sigigi na gbe ti ngbaa so?”

Jean 8:39

Ala tene na lo: “Babâ ti e ayeke Abraham.” Jésus akiri tënë na ala, atene: “Tongana ala yeke fade amolenge ti Abraham, ka ala sara aye so lo sara.

Awatokua 26:20

Me mbi to nda ti fa tënë ti Nzapa kozoni na azo ti Damas nga na azo ti Jérusalem. Na pekoni, mbi fa tënë ni na azo ti sese ti Judée kue nga na azo ti amara nde; mbi hunda na ala titene ala zia ngbene lege ti sarango ye ti ala ti kiri na mbage ti Nzapa, ala sara ye so afa atene, ala zia ngbene lege ti sarango ye ti ala awe.

Rome 4:16

Ndani laa azo alingbi ti wara aye so Nzapa amu zendo ni gi na lege ti mabe; lo mu aye ni na ahale ti Abraham gi senge senge. Tongaso zendo ni ayeke ndali ti ahale ti Abraham kue. Ambeni zo so azia be ti ala na ndö ti *Ndia, zendo ni ayeke gi ndali ti ala oko pepe, me ayeke nga ndali ti azo so ama na be tongana Abraham, babâ ti e kue.

Rome 9:7

Azo so ayeke ahale ti Abraham, ala kue laa ayeke amolenge ti lo pepe, me Nzapa atene na Abraham: “Na lege ti Isaac laa mo yeke wara ahale so mbi mu zendo ti ala na mo.”

Filipe 1:11

Fade sarango ye ti mbirimbiri so alondo na Jésus Christ ayeke si singo na ya ti fini ti ala; na lege so laa ala yeke gonda Nzapa si ala yeke sepela lo.