Nzoni Tënë so Luc asu na mbeti 3:2 - Mbeti ti Nzapa - Tënë so amu fini

² Hane na Kaife ayeke akota wayango-sandaga. Tënë ti Nzapa asi na Jean, molenge ti Zakarii na ndembe so Jean ayeke na benyama.

Nzoni Tënë so Luc asu na mbeti 3:2 ပူးပေါင်းရင်းမြစ်များ

Ésaïe 40:3

Mbeni go adekongo, atene: “Na benyama, ala suru lege ndali ti KOTA GBIA; na lando so ngu ayeke daa pepe, ala leke lege mbirimbiri ndali ti Nzapa ti e!

Jérémie 1:2

Tënë ti KOTA GBIA asi na Jérémie na ngoi ti Yosias, molenge ti Amon so ayeke gbia ti Juda; tënë ni asi na lo mbirimbiri na ndembe so Yosias ayeke le-gbia na ya ti ngu baleoko na ota ni.

Jérémie 2:1

Tënë ti *KOTA GBIA asi na mbi, atene:

Ezekiel 1:3

Na kodro ti azo ti Babilone, na tere ti bale ti Kebar, tënë ti KOTA GBIA asi na mbi Ezekiel, molenge ti wayango-sandaga Buzi. Kâ, maboko ti KOTA GBIA agbu mbi.

Jonas 1:1

Mbeni lâ, tënë ti *KOTA GBIA asi na Jonas, molenge ti Amitai, atene:

Mishe 1:1

So ayeke tënë ti *KOTA GBIA so asi na Mishe, zo ti kodro ti Moreshet, na ngoi ti agbia Yotam, Ahaz nga na Ezekias, agbia ti Juda. Mishe abaa ye ni na ya ti mbeni ye tongana bango-li na ndö ti agbata ti Samarii na ti Jérusalem.

Sofonii 1:1

So ayeke tënë ti *KOTA GBIA so asi na Sofonii, molenge ti Kushi; Kushi ayeke molenge ti Gedalia; Gedalia ayeke molenge ti Amaria; Amaria ayeke molenge ti Ezekias. KOTA GBIA atene tënë ni na ngoi so Yosias, molenge ti Amon ayeke gbia ti Juda.

Matthieu 11:7

So adisiple ti Jean amu lege ti kiri, Jésus atene tënë ti Jean na gba ti azo so ayeke na tere ti lo so, atene: “Nyen laa ala gue ti bango ni kâ na ya ti benyama so? Mbeni sosongo so pupu ayeke yingi ni?

Matthieu 26:3

Tongaso akota wayango-sandaga na *akangba ti azuife abongbi tere na ya ti gbagba ti kota wayango-sandaga so iri ti lo Kaife.

Marc 1:2

A su na ya ti mbeti ti wayanga-Nzapa Ésaïe, atene: “Nzapa atene: ‘Baa, mbi tokua zo ti kua ti mbi kozo ti mo titene lo leke lege na mo.

Nzoni Tënë so Luc asu na mbeti 1:80

Molenge ni ayeke kono si ndara ti lo ayeke mai. Lo duti na benyama ngbii asi na lango so lo sigigi polele na le ti azo ti Israel.

Jean 1:23

Jean akiri tënë na ala: “Mbi yeke zo so ayeke dekongo na benyama, atene: ‘Ala sara si lege ti *Kota Gbia aluti mbirimbiri!’ ” – Tënë so wayanga-Nzapa Ésaïe atene ando laa.

Jean 18:24

Andaa Jésus angba na ya ti kamba si Hane atokua lo na kota wayango-sandaga Kaife.

Awatokua 4:6

Kota wayango-sandaga Hane ayeke daa, lo na Kaife, Jean, Alexandre na ambeni zo ti sewa ti kota wayango-sandaga ni.