Nzoni Tënë so Luc asu na mbeti 3:14 - Mbeti ti Nzapa - Tënë so amu fini

¹⁴ Aturugu nga ahunda lo, atene: “Ti e, nyen laa e lingbi ti sara?” Lo tene na ala: “Ala sara ngangu na azo pepe ti mu nginza ti ala, ala tene nga tënë ti mvene na li ti azo pepe ti mu nginza ti ala, me ala zia be ti ala gi na ndö ti futa ti ala.”

Nzoni Tënë so Luc asu na mbeti 3:14 ပူးပေါင်းရင်းမြစ်များ

Sigingo 20:16

“Alingbi mo tene mvene na li ti mba ti mo pepe na le ti ngbanga.

Sigingo 23:1

“Alingbi ala fono na atënë ti mvene na iri ti amba ti ala pepe. Zo so asara sioni, ala tene mvene na le ti ngbanga pepe ti gbu koko ti lo.

Awayango-sandaga 19:11

“Alingbi ala nzi pepe, ala tene mvene pepe, ala handa amba ti ala pepe.

Matthieu 8:5

So Jésus ali na ya ti gbata ti Kapernaum, mbeni kapita ti aturugu ti Rome aga nduru na tere ti lo si adema tere ti lo,

Nzoni Tënë so Luc asu na mbeti 19:8

Me Zachée aluti na le ti *Kota Gbia si lo tene: “Kota Gbia, baa, mbi yeke mu ndambo ti aye ti mbi kue na azo ti mawa. Tongana mbi nzi nginza ti zo na mayere, fade mbi yeke kiri ni na lo lege osio!”

Nzoni Tënë so Luc asu na mbeti 3:10

Gba ti azo ni ahunda Jean, atene: “Nyen laa e lingbi ti sara?”

Nzoni Tënë so Luc asu na mbeti 3:13

Lo tene na ala: “Ye so a hunda na azo ti futa ni, ala hunda mbeni ye na ndö ni pepe.”

Awatokua 10:7

Na pekoni, ange so atene tënë ni so ahon ti lo. Corneille airi azo ti kua ti lo use na mbeni turugu oko so agbu tënë ti Nzapa mingi si lo yeke na gbe ti lo aninga.

Filipe 2:15

Tongaso, fade ala yeke duti azo so tënë ayeke na li ti ala pepe, azo so ayeke nzoni kue, amolenge ti Nzapa so ayeke sioni pepe na popo ti azo ti fadeso so ayeke sioni si ayeke sara kirikiri. Na popo ti azo ni, ala yeke duti tongana wâ so ayeke za na dunia so.

Filipe 4:11

Ndali ti so mbeni ye atia mbi si mbi yeke tene tënë tongaso? Oko pepe. Mbi hinga ti zia be ti mbi gi na ndö ti ye so mbi yeke na ni.

Tite 2:3

Mo tene nga na ambakoro-wali titene ala duti tongana azo so aduti nde ndali ti Nzapa: alingbi ala tene sioni tënë na iri ti zo pepe, ala yeke angbaa ti samba pepe, ala fa na azo ye so ayeke nzoni,

Aye so Nzapa afa 12:10

Na pekoni, mbi ma mbeni kota go so alondo na yayu, atene: “Fadeso ngoi titene Nzapa asoo e asi awe! Fadeso lo fa ngangu ti lo ti gbia awe! Fadeso *Mesii ti lo afa so lo yeke na komandema awe! Zo ti bingo tënë na li ti a-ita ti e, lo so lo yeke luti na le ti Nzapa ti bi tënë na li ti ala bi na lâ so, a mu lo na yayu, a bi lo na gigi awe.