Nzoni Tënë so Luc asu na mbeti 24:51 - Mbeti ti Nzapa - Tënë so amu fini

⁵¹ So lo ngba ti sara tufa na ndö ti ala, lo londo na tere ti ala, lo hon si a mu lo, a gue na lo na yayu.

Nzoni Tënë so Luc asu na mbeti 24:51 ပူးပေါင်းရင်းမြစ်များ

2 Agbia 2:11

So ala ngba na lege ti guengo ni si ala yeke tene tënë, mo ye ti baa, mbeni pusu ti mbarata so aza wâ aga; ambarata so aza wâ laa ayeke gboto ni. Pusu ti mbarata ni aga akangbi popo ti Élie na Élisée. Tongaso Élie ama na yayu na ya ti mbeni kota pupu.

Marc 16:19

Na peko ti so *Kota Gbia Jésus atene tënë so na ala awe, a mu lo, a gue na lo na yayu si lo duti na tere ti Nzapa na mbage ti maboko ti lo ti koli.

Nzoni Tënë so Luc asu na mbeti 24:50

Na pekoni, Jésus amu ala, ague na ala nduru na Betanii, lo yo maboko ti lo na nduzu si lo sara tufa na ndö ti ala.

Nzoni Tënë so Luc asu na mbeti 24:52

Ti adisiple, ala voro lo; na pekoni ala kiri na Jérusalem, be ti ala asi na kota ngia.

Jean 20:17

Jésus atene na lo: “Zia ti gbu mbi, ngbanga ti so mbi de ti gue na Babâ pepe. Me mo gue, mo baa a-ita ti mbi, mo tene na ala, mo tene: ‘Mbi yeke gue na Babâ ti mbi so ayeke nga Babâ ti ala; lo yeke Nzapa ti mbi na Nzapa ti ala nga.’ ”

Awatokua 1:9

Na peko ti tënë so, lo londo ti gue na yayu, ala ngba ti baa peko ti lo, me mbeni mbinda ahonde lo na le ti ala.

Ahebro 1:3

Gonda ti Nzapa ayeke za na lege ti Molenge ni. Lo yeke taa tongana ti so Nzapa ayeke, lo yeke bata dunia so na ngangu ti tënë ti yanga ti lo. So lo sukula asiokpari ti azo awe, lo gue, lo duti na yayu, na tere ti Nzapa so ngangu ti lo ahon ndoni, na mbage ti maboko ti lo ti koli.

Ahebro 4:14

E yeke na kota wayango-sandaga so ahon atanga ni kue, lo gue ngbii lo si na le ti Nzapa kâ na yayu: ayeke Jésus, Molenge ti Nzapa. Nilaa, ayeke nzoni e gbu mabe ti e ngangu, mabe so e yeke fa tënë ni.