Nzoni Tënë so Luc asu na mbeti 24:50 - Mbeti ti Nzapa - Tënë so amu fini

⁵⁰ Na pekoni, Jésus amu ala, ague na ala nduru na Betanii, lo yo maboko ti lo na nduzu si lo sara tufa na ndö ti ala.

Nzoni Tënë so Luc asu na mbeti 24:50 ပူးပေါင်းရင်းမြစ်များ

Tongo nda ti aye 27:4

Mo to mbeni nzerengo kobe so mbi ye ni mingi, mo ga na ni na mbi, mbi te ni titene mbi wani, mbi sara tufa na ndö ti mo kozoni si mbi kui.”

Tongo nda ti aye 48:9

Joseph akiri tënë na babâ ti lo, atene: “Amolenge so Nzapa amu ala na mbi ge so laa.” Jacob atene: “Mo ga na ala na tere ti mbi ge, titene mbi sara tufa na ndö ti ala.”

Tongo nda ti aye 49:28

Mara baleoko na use ti azo ti Israel kue laa. Tënë so babâ ti ala atene ti sara tufa na ndö ti ala laa. Lo sara tufa na ndö ti ala si tufa ti zo oko oko ayeke nde na ti mba ti lo.

Awayango-sandaga 9:22

So Aaron ahunzi ti mu sandaga ndali ti zingo siokpari na li ti azo, na sandaga so a yeke gbi ni kue na wâ nga na sandaga ti beoko, lo yoro maboko ti lo na nduzu si lo sara tufa na ndö ti azo ni. Na pekoni, lo londo na tere ti gbalaka ni, lo zu.

Matthieu 21:17

Na pekoni, Jésus azia ala na ndo so, lo sigigi na ya ti gbata ni, lo gue na Betanii, lo lango kâ.

Marc 10:16

Na pekoni, lo gbu amolenge ni na ya ti maboko ti lo, lo zia maboko na ndö ti ala si lo sara tufa na ndö ti ala.

Marc 11:1

So ala ga nduru na Jérusalem, nduru na akete kodro ti Betfaze na ti Betanii, na tere ti hoto ti a-olive, Jésus atokua ambeni disiple ti lo use;

Nzoni Tënë so Luc asu na mbeti 24:51

So lo ngba ti sara tufa na ndö ti ala, lo londo na tere ti ala, lo hon si a mu lo, a gue na lo na yayu.

Awatokua 1:12

Tongaso, *awatokua alondo na ndö ti hoto so a iri ni hoto ti a-olive si ala kiri na Jérusalem; hoto ni ayo nduru na kilometere oko na gbata ni.

Awatokua 1:9

Na peko ti tënë so, lo londo ti gue na yayu, ala ngba ti baa peko ti lo, me mbeni mbinda ahonde lo na le ti ala.

1 Timothée 2:8

Mbi ye si akoli asambela na ndo kue, na yorongo maboko ti ala na nduzu, maboko so ayeke *nzoni, na ngonzo na be ti ala pepe, na tënë ti papa pepe.

Josué 22:6

Na pekoni, Josué asara tufa na ndö ti ala si lo zia ala titene ala kiri na ndo ti ala.