Nzoni Tënë so Luc asu na mbeti 24:45 - Mbeti ti Nzapa - Tënë so amu fini

⁴⁵ Tongaso lo sara si hingango ndo ti ala azi ti hinga nda ti Mbeti ti Nzapa.

Nzoni Tënë so Luc asu na mbeti 24:45 ပူးပေါင်းရင်းမြစ်များ

Mbeti ti Job 33:16

Lo yeke zi mê ti azo si lo yeke gboto mê ti ala biani biani.

Abia (Psaumes) 119:18

Zi le ti mbi si mbi baa aye ti kpene so ayeke na ya ti ndia ti mo.

Sigingo 4:11

KOTA GBIA akiri tënë na lo, atene: “Zo wa laa asara yanga ti zo, zo wa? Zo wa laa asara si zo aga buburu, wala mê ti zo akanga, zo wa? Zo wa laa asara si zo abaa ndo, wala le ti zo akanga, zo wa? Ayeke mbi KOTA GBIA pepe?

Nzoni Tënë so Luc asu na mbeti 24:32

si ala tene na popo ti ala: “So lo yeke tene tënë na e na lege si lo yeke fa nga na e nda ti tënë ti Mbeti ti Nzapa so, be ti e ayeke kporo fade na ya ni kâ pepe?”

Awatokua 16:14

Mbeni wali ti gbata ti Tiatire so iri ti lo Lydie ayeke kâ; kua ti lo ayeke ti kango abengba bongo so ngere ni ayeke ngangu mingi. Lo yeke mbeni wali so lo yeke voro Nzapa kozoni; lo yeke ma tënë ti e, ngbanga ti so *Kota Gbia azi be ti lo ti ma atënë ti Paul.

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.

Aye so Nzapa afa 3:7

“Su mbeti so, mo tokua na *ange so ayeke na li ti *Eglize ti gbata ti Filadelfii: “Lo so lo yeke nde si lo yeke nzoni kue, lo so lo yeke tene gi taa-tënë, lo so lo yeke na kerere ti David na maboko ti lo, lo laa lo yeke tene tënë so. Tongana lo zi yanga ti da, mbeni zo alingbi ti kanga ni pepe; tongana lo kanga ni, mbeni zo alingbi ti zi ni pepe.