Nzoni Tënë so Luc asu na mbeti 24:44 - Mbeti ti Nzapa - Tënë so amu fini

⁴⁴ Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Nzoni Tënë so Luc asu na mbeti 24:44 ပူးပေါင်းရင်းမြစ်များ

Tongo nda ti aye 14:18

Melkisedeke, gbia ti kodro ti Salem, aga na mapa na vin. Melkisedeke ayeke wayango-sandaga ti Nzapa, Nzapa so ayeke na yayu kâ na ndö ti aye kue.

Tongo nda ti aye 22:18

A yeke sara tufa na ndö ti azo ti amara ti ndö ti sese kue na lege ti ahale ti mo, ngbanga ti so mo ma yanga ti mbi.”

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Abia (Psaumes) 118:22

Têne so azo ti sarango da ake ni, ni laa akiri aga ngangu têne ti gere ti da ni.

Ésaïe 28:16

Ndani laa, tënë so Kota Gbia NZAPA atene ayeke so: “Baa, mbi zia na *Sion têne so mbi tara ni awe, ngangu têne ti gere ti da so a lu ni ngangu. Zo so aluti na ndö ni, fade lo yeke ti pepe.

Ésaïe 52:13

*KOTA GBIA atene: “Baa zo ti kua ti mbi laa; aye so kue lo yeke sara ayeke ga nzoni. Lo yeke gue guengo na nduzu, azo ayeke ya iri ti lo si ala yeke ne lo ahon ndoni.

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Jérémie 23:5

“So tënë ti yanga ti KOTA GBIA laa: Baa, mbeni lango ayeke ga so mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese. Lo yeke le-gbia tongana nzoni gbia, lo yeke sara ye na lege ti ndara, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Jérémie 33:14

“So tënë ti yanga ti *KOTA GBIA laa: Mbeni lango ayeke ga so mbi yeke sara ye alingbi na zendo so mbi mu na azo ti Israel nga na azo ti Juda.

Ezekiel 17:22

“Tënë so mbi Kota Gbia NZAPA, mbi tene ayeke so: Mbi wani, fade mbi yeke mu mbeni fini maboko ti keke ti sedre taa na li ti keke ni si mbi yeke lu ni; mbi yeke fâ kete maboko na tere ti akota maboko ni si mbi yeke lu ni na li ti kota hoto so ayo na nduzu mingi.

Ezekiel 34:23

Mbi yeke zia gi wabatango-taba oko na ndö ti ataba ti mbi titene lo bata ala. Wabatango-taba ni ayeke duti David, zo ti kua ti mbi. Lo laa lo yeke gi kobe na ataba ni, lo laa lo yeke duti wabatango ala.

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Daniel 7:13

“Mbi ngba ti baa aye so na bi tongana bango-li: mbi baa mbeni ye so akpa zo; zo ni alondo na ya ti mbinda, azu. Lo ga nduru na tere ti mbakoro ni si a mu lo, a gue na lo na dawa ti mbakoro ni.

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Zakarii 14:4

Na lango ni so, lo yeke zia gere ti lo na ndö ti hoto ti a-olive so abaa ndo le na le na Jérusalem, na mbage ti To ti gbata ni. Fade ya ti hoto ni ayeke suru use, mbeni popo-hoto ayeke sigigi daa, ti londo na To ngbii asi na Do. Mbeni mbage ti hoto ni ayeke hon na mbage ti Banga si mbeni mbage ni ayeke hon na mbage ti Mbongo.

Zakarii 6:12

Na pekoni, mo tene na lo, mo tene: Tënë so KOTA GBIA so ayeke na ndö ti dunia kue atene ayeke so: Mbeni koli ayeke ge, iri ti lo ayeke: ‘Kete keke so asigigi’. Na ndo so kue lo yeke daa, akeke ayeke sigigi, fade lo yeke kiri ti leke kota da ti mbi.

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Wungo ti azo 21:8

KOTA GBIA atene na Moïse: “Mo mu bengba wen, mo leke na mbeni ngbo, mo zia lo na ndö ti mbeni yongoro keke na nduzu. Zo so kue ngbo ayeke te lo si lo baa ndo na mbage ti ngbo ti bengba wen ni, fade lo yeke kui pepe.”

Wungo ti azo 35:25

Bongbi ti azo ti Israel ayeke zi zo ti fango mba ti lo na maboko ti zo so alingbi fade ti kiri peko ni na lo. Na pekoni, ala yeke kiri na zo ti fango zo ni na ya ti gbata so lo kpe fade daa ti bata tere ti lo so. “Zo so afâ mba ti lo na mbana pepe so ayeke ngba kâ ngbii kota wayango-sandaga akui, lo so a tuku mafuta so ayeke nde si ayeke nzoni kue na li ti lo ti zia lo nde ndali ti Nzapa.

Matthieu 1:22

Ye ni kue asi alingbi na tënë so Kota Gbia atene ando na yanga ti wayanga-Nzapa, atene:

Matthieu 16:21

Ti londo na ndembe ni so, Jésus ato nda ti tene tënë polele na adisiple ti lo, atene: “Alingbi mbi gue na Jérusalem ti baa pasi mingi na maboko ti *akangba na akota wayango-sandaga na awafango-ndia. Ala yeke fâ mbi, me na lango ota ni, mbi yeke zingo na kuâ.”

Matthieu 26:54

Tongana mbi iri a-ange ni, fade tënë ti Mbeti ti Nzapa ayeke ga taa-tënë tongana nyen? Mbeti ti Nzapa atene, fade ye ni ayeke duti tongaso.”

Matthieu 26:56

Me ye so kue asi tongaso si tënë ti yanga ti awayanga-Nzapa so a su na mbeti ando so aga taa-tënë.” Tongaso adisiple kue azia lo si ala kpe ahon.

Marc 9:31

ngbanga ti so lo ngba ti fa ye na adisiple ti lo; lo tene na ala: “Fade a yeke zia *Molenge ti Zo na maboko ti azo titene ala fâ lo. Lango ota na pekoni, fade lo yeke zingo na kuâ.”

Nzoni Tënë so Luc asu na mbeti 21:22

Biani, alango ni so ayeke duti alango so Nzapa ayeke kiri na azo peko ti aye ti sioni so kue ala sara si ye so kue Mbeti ti Nzapa atene tënë ni ayeke si alingbi na ni!

Nzoni Tënë so Luc asu na mbeti 22:37

Mbi tene na ala: ayeke nzoni ye ni asi alingbi na tënë so a su na ya ti Mbeti ti Nzapa na ndö ti mbi, atene: ‘A diko lo na popo ti azo ti fango zo.’ Biani, tënë so atene na ndö ti mbi so, ye ni ayeke si ande alingbi na ni.”

Nzoni Tënë so Luc asu na mbeti 24:46

Lo tene na ala: “A su na ya ti Mbeti ti Nzapa, atene: Fade *Mesii ayeke baa pasi si na lango ota ni, lo yeke zingo na kuâ.

Nzoni Tënë so Luc asu na mbeti 9:22

Lo tene: “Alingbi *Molenge ti Zo abaa pasi mingi. *Akangba, akota wayango-sandaga na awafango-ndia ayeke ke lo, ala yeke fâ lo si na lango ota ni, lo yeke zingo na kuâ.”

Nzoni Tënë so Luc asu na mbeti 9:44

“Ala ma tënë so mbi yeke tene na ala so nzoni! Fade a yeke zia *Molenge ti Zo na maboko ti azo.”

Jean 3:14

Alingbi a kanga Molenge ti Zo na nduzu na ndö ti keke, tongana ti so Moïse akanga ando ngbo na nduzu na benyama,

Jean 5:39

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

Jean 5:46

Tongana ala yeda fade na tënë ti Moïse biani, ka ala yeda nga na tënë ti mbi, ngbanga ti so Moïse asu mbeti na ndö ti mbi.

Awatokua 13:33

Nzapa asara ye ni biani na e, *ahale ti ala, na ndembe so lo zingo Jésus na kuâ. Lo sara ye ni alingbi na tënë so a su na ya ti mbeti ti Abia, na ya ti use bia ni, atene: ‘Mo yeke Molenge ti mbi, laso mbi ga Babâ ti mo awe.’

Awatokua 13:40

Ala sara hange si ye so awayanga-Nzapa atene tënë ni ando so asi na ala pepe. Ala tene:

Awatokua 2:27

Fade mo yeke zia mbi na ndo ti akuâ pepe; mbi so mbi zia be ti mbi kue ti sara na mo, fade mo yeke zia mbi ti fun na ya ti du ti kuâ pepe.

Awatokua 3:18

Na lege so laa Nzapa asara ye alingbi na tënë so lo zia ando na yanga ti awayanga ti lo si ala tene. Lo tene: fade *Mesii ayeke baa pasi.

Awatokua 7:37

Moïse so laa atene na azo ti Israel, atene: ‘Fade Nzapa ayeke tokua mbeni wayanga ti lo na ala tongana ti so lo tokua mbi; lo yeke duti mbeni ita ti ala.’

Ahebro 10:1

Aye so ayeke daa, *Ndia ti Moïse ayeke fa ni mbirimbiri kue pepe; Ndia ni ayeke gi limo ti anzoni ye so ayeke ga. Ngu na ngu, azo ayeke mu *sandaga ndali ti asiokpari ti ala, ala yeke mu gi oko sandaga ni lakue lakue; ala yeke zia ni pepe. Ataa so ala yeke sara tongaso, Ndia alingbi ti sara si azo so aye ti ga nduru na Nzapa, aga nzoni kue pepe.

Ahebro 3:5

Moïse asara ti lo ando kua ti da ti Nzapa kue na legeni tongana zo ti kua ti Nzapa; kua ti lo ayeke ti fa na azo tënë so Nzapa ayeke tene ande na ala.

Ahebro 7:1

Melkisedeke ayeke gbia ti gbata ti Salem, lo yeke nga wayango-sandaga ti Nzapa so ayeke na yayu kâ na ndö ti aye kue. Lani, Abraham ague ti tiri bira na agbia si lo kinda ala. Na kiringo ti lo na kodro, Melkisedeke ague, atengbi na lo na lege si Melkisedeke asara tufa na ndö ti lo.

Ahebro 9:8

Na lege so, Yingo-Vuru ayeke fa atene, so kozo da ti bongo ni angba so, lege ti si na use ndo ni ade ti zi pepe, ndo so ayeke nde si ayeke nzoni kue ahon atanga ni.

1 Pierre 1:11

Yingo ti Christ ayeke na ya ti awayanga-Nzapa si ayeke fa na ala kozoni tënë ti pasi so fade Christ ayeke baa, nga na tënë ti gondango so a yeke gonda lo na peko ti pasi ni. Nilaa, ala gi lege ngangu ti hinga ngoi ti singo ti aye so Yingo ti Christ afa tënë ni na ala; ala gi nga ti hinga aye ni ayeke si ande tongana nyen?

Aye so Nzapa afa 19:10

Mbi kuku na gbe ti ange ni ti voro lo, me lo tene na mbi: “Sara ye tongaso pepe! Mbi yeke gi mba ti mo, zo ti kua; mbi yeke nga mba ti a-ita ti mo na ti azo so kue abata taa-tënë so Jésus afa. Mo voro gi Nzapa!” Taa-tënë so Jésus afa, ni laa amu ngangu na awayanga-Nzapa ti sara na kua ti ala.