Nzoni Tënë so Luc asu na mbeti 24:4 - Mbeti ti Nzapa - Tënë so amu fini

⁴ So ala ngba ti gi li ti ala na ndö ti ye so asi so, mo ye ti baa, akoli use asi, ala yu bongo so aza zango.

Nzoni Tënë so Luc asu na mbeti 24:4 ပူးပေါင်းရင်းမြစ်များ

Tongo nda ti aye 18:2

Abraham ayo le ti lo na nduzu si lo baa azo ota so aluti nduru na tere ti lo. So lo baa ala, lo londo na yanga ti da ti lo ti bongo, lo kpe, lo gue, lo wara ala. Lo kuku, lo kpo li ti lo na sese

Marc 16:5

Ala li na ya ti du ti kuâ ni, ala baa mbeni maseka-koli so aduti na mbage ti maboko ti ala ti koli, lo yu yongoro vuru bongo; mbeto asara ala.

Nzoni Tënë so Luc asu na mbeti 2:9

Mbeni *ange ti *Kota Gbia asi na ala; gonda ti Kota Gbia aza na ndö ti ala si mbeto agbu ala mingi.

Nzoni Tënë so Luc asu na mbeti 24:5

Mbeto agbu awali ni, ala bi le ti ala na sese si akoli use so atene na ala: “Ngbanga ti nyen si ala yeke gi zo so ayeke na fini na popo ti akuâ?

Awatokua 1:10

So ala ngba ti baa ndo na nduzu na peko ti lo, ambeni koli use so ayu vuru bongo, aga aluti nduru na tere ti ala.

Awatokua 12:7

Mo ye ti baa, *ange ti *Kota Gbia asi, mbeni ye tongana wâ aza na ya ti kubu so Pierre ayeke daa. Ange ni andu Pierre na kate ti lo, Pierre azingo si ange ni atene na lo: “Londo hio!” Tongaso azingiri ni azi na maboko ti Pierre, ati.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.