Nzoni Tënë so Luc asu na mbeti 24:27 - Mbeti ti Nzapa - Tënë so amu fini

²⁷ Na pekoni, Jésus ato nda ti fa na ala nda ti tënë so ando awayanga-Nzapa kue atene na ndö ti lo na ya ti Mbeti ti Nzapa, ti londo na Moïse ngbii asi na awayanga-Nzapa kue.

Nzoni Tënë so Luc asu na mbeti 24:27 ပူးပေါင်းရင်းမြစ်များ

Tongo nda ti aye 12:3

Fade mbi yeke sara tufa na ndö ti azo so ayeke sara tufa na ndö ti mo. Mbi yeke deba zo so ayeke deba mo. Na lege ti mo, a yeke sara tufa na ndö ti azo ti asewa ti dunia kue.”

Tongo nda ti aye 22:18

A yeke sara tufa na ndö ti azo ti amara ti ndö ti sese kue na lege ti ahale ti mo, ngbanga ti so mo ma yanga ti mbi.”

Tongo nda ti aye 26:4

Mbi yeke sara titene ahale ti mo awu mingi tongana atongoro ti le ti nduzu; mbi yeke mu asese so kue na ala. Fade a yeke sara tufa na ndö ti amara ti ndö ti sese kue na lege ti ahale ti mo.

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Abia (Psaumes) 132:11

KOTA GBIA adeba yanga ti lo na David, lo tene taa-tënë, lo yeke kiri ti tene mbeni tënë nde pepe: “Mbeni molenge ti mo laa mbi yeke zia lo na ndö ti mbata ti mo ti gbia.

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Ésaïe 50:6

Mbi zia peko ti mbi na azo so ayeke pika mbi, mbi yoro ngbangba ti mbi na azo so ayeke gboto kua ti yanga ti mbi. Azo so ayeke zonga mbi si ala yeke tuku ngu ti yanga na le ti mbi, mbi honde le ti mbi na ala pepe.

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Ésaïe 8:17

Mbi yeke ku *KOTA GBIA, lo so lo bi le ti lo yongoro na *ahale ti Jacob; mbi zia be ti mbi ti ku lo.

Ésaïe 9:1

Azo so atambula na ya ti vukongo ndo, ala baa kota lumiere. Azo so aduti na ndo so avuko pitipiti, lumiere aza na ndö ti ala awe.

Ezekiel 34:23

Mbi yeke zia gi wabatango-taba oko na ndö ti ataba ti mbi titene lo bata ala. Wabatango-taba ni ayeke duti David, zo ti kua ti mbi. Lo laa lo yeke gi kobe na ataba ni, lo laa lo yeke duti wabatango ala.

Ezekiel 37:25

Ala yeke duti na sese so mbi mu na zo ti kua ti mbi Jacob, sese so akotara ti ala aduti ando daa. Ala yeke duti daa kpu na kpu, ala na amolenge ti ala, na amolenge ti amolenge ti ala. Fade David, zo ti kua ti mbi ayeke duti makonzi ti ala lakue lakue.

Daniel 7:13

“Mbi ngba ti baa aye so na bi tongana bango-li: mbi baa mbeni ye so akpa zo; zo ni alondo na ya ti mbinda, azu. Lo ga nduru na tere ti mbakoro ni si a mu lo, a gue na lo na dawa ti mbakoro ni.

Mishe 5:6

Fade azo ti Israel so ayeke ngba na fini na popo ti amara gbani gbani, ayeke ga tongana ngu ti pere so alondo na *KOTA GBIA; ala yeke ga tongana ngu-Nzapa so apika na ndö ti pere: ngu ni aku zo pepe, wala aku mbeni ye na maboko ti zo pepe.

Mishe 7:20

Mo yeke bata tënë ti yanga ti mo na *ahale ti Jacob na ti Abraham. Ye so mo deba yanga ti mo ti sara na akotara ti e ngbene ye ando laa.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Wungo ti azo 21:14

Ndani laa, a su tënë ni na ya ti Buku ti Abira ti *KOTA GBIA, atene: “…Vaheb so ayeke na Sufa, lo na akete ngu ti lo nga na Arnon,

Marc 4:34

Lo fa tënë na azo na lege ti toli, me tongana lo yeke gi lo oko na adisiple ti lo, lo fa nda ti tënë ni kue na ala.

Nzoni Tënë so Luc asu na mbeti 24:25

Tongaso Jésus atene na ala: “Ala azo so li ti ala ayeke daa pepe so, tënë so kue awayanga-Nzapa atene ando so, ala ma na be na ni hio pepe!

Nzoni Tënë so Luc asu na mbeti 24:44

Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Jean 1:45

Na pekoni, Philippe awara Natanael si lo tene na lo: “Zo so ando Moïse atene tënë ti lo na ya ti mbeti ti *Ndia so, lo so nga awayanga-Nzapa atene tënë ti lo so, e wara lo awe. Zo ni ayeke Jésus, molenge ti Joseph, zo ti Nazaret.”

Jean 12:41

Ésaïe atene ando tënë so, ngbanga ti so lo baa gonda ti Jésus si lo tene tënë ti lo.

Jean 5:37

Babâ so atokua mbi ayeke tene nga tënë na ndö ti mbi. Ala de ti ma go ti lo laoko pepe, ala de ti baa nga le ti lo laoko pepe.

Jean 5:39

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

Awatokua 10:43

Awayanga-Nzapa kue atene tënë ti lo, atene: ‘Zo so ama na be na lo, na iri ti lo, fade Nzapa ayeke zi asiokpari ti zo ni.’ ”

Awatokua 3:18

Na lege so laa Nzapa asara ye alingbi na tënë so lo zia ando na yanga ti awayanga ti lo si ala tene. Lo tene: fade *Mesii ayeke baa pasi.

Awatokua 3:22

Moïse atene ando atene: ‘Fade Nzapa, Kota Gbia ti ala ayeke tokua mbeni wayanga ti lo na ala tongana ti so lo tokua mbi; wayanga-Nzapa ni ayeke mbeni zo ti kodro ti ala wani. Alingbi ala sara ye so kue lo yeke tene na ala.

Awatokua 3:24

Ti londo na Samuel na awayanga-Nzapa so aga na peko ti lo, ala kue afa tënë ti aye so ayeke si na ya ti alango so e yeke daa fadeso.

Awatokua 7:37

Moïse so laa atene na azo ti Israel, atene: ‘Fade Nzapa ayeke tokua mbeni wayanga ti lo na ala tongana ti so lo tokua mbi; lo yeke duti mbeni ita ti ala.’

Awatokua 8:35

Philippe amu tënë; na ndö ti kamba ti mbeti ti Ésaïe so, lo to nda ti fa Nzoni Tënë ti Jésus na lo.

Ndia ti fani use ni 1:45

Na kiringo ti ala, azo ti Israel, ala toto na KOTA GBIA; me lo ma ala pepe, lo dingi mê ti lo kete pepe ti ma ala.

Ndia ti fani use ni 18:15

Fade KOTA GBIA Nzapa ti ala ayeke sara titene mbeni wayanga-Nzapa tongana mbi, abaa gigi na popo ti ala; lo yeke duti mbeni ita ti ala. Fade ala yeke ma yanga ti lo!

Aye so Nzapa afa 19:10

Mbi kuku na gbe ti ange ni ti voro lo, me lo tene na mbi: “Sara ye tongaso pepe! Mbi yeke gi mba ti mo, zo ti kua; mbi yeke nga mba ti a-ita ti mo na ti azo so kue abata taa-tënë so Jésus afa. Mo voro gi Nzapa!” Taa-tënë so Jésus afa, ni laa amu ngangu na awayanga-Nzapa ti sara na kua ti ala.