Nzoni Tënë so Luc asu na mbeti 24:25 - Mbeti ti Nzapa - Tënë so amu fini

²⁵ Tongaso Jésus atene na ala: “Ala azo so li ti ala ayeke daa pepe so, tënë so kue awayanga-Nzapa atene ando so, ala ma na be na ni hio pepe!

Nzoni Tënë so Luc asu na mbeti 24:25 ပူးပေါင်းရင်းမြစ်များ

Matthieu 26:24

Fade *Molenge ti Zo ayeke kui gi tongana ti so Mbeti ti Nzapa atene tënë ni na ndö ti lo; me mawa na zo so ayeke ka ande Molenge ti Zo ni so! Ti zo ni so, tongana a du lo fade pepe, ka ayeke nzoni mingi!”

Marc 16:14

Ti hunzi na ni, Jésus afa tere ti lo na adisiple ti lo baleoko na oko na ndembe so ala yeke te kobe. Lo suku na ala, ngbanga ti so ala dekite, ala kpengba be ti ala si ala ke ti yeda na tënë ti azo so abaa lo na peko ti so lo zingo na kuâ.

Marc 7:18

Lo tene na ala: “Ala nga, ala yeke na ndara ti ma ya ti tënë so pepe? Ala hinga pepe? Ye so alondo na gigi si ali na ya ti zo, alingbi ti sara si lo ga *sioni pepe,

Marc 9:19

Jésus atene na ala: “Ala azo ti fadeso, ala so ayeke na mabe pepe so! Fade mbi yeke ngba ti duti na tere ti ala ngbii asi lawa? Fade mbi yeke ngba ti kanga be ti mbi na ala ngbii asi lawa? Ala ga na mbi molenge ni!”

Nzoni Tënë so Luc asu na mbeti 24:24

Ambeni mba ti e ague na yanga ti du ti kuâ ni si ala baa so ye ni ayeke gi tongana ti so awali ni atene so; me ala baa Jésus pepe.”

Jean 5:39

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

1 Korente 15:3

Kozo ye so mbi fa na ala ayeke tënë so mbi wani, mbi ma: Christ akui ndali ti siokpari ti e tongana ti so Mbeti ti Nzapa atene.