Nzoni Tënë so Luc asu na mbeti 23:9 - Mbeti ti Nzapa - Tënë so amu fini

⁹ Lo hunda Jésus na atënë mingi mingi, me Jésus akiri tënë oko pepe.

Nzoni Tënë so Luc asu na mbeti 23:9 ပူးပေါင်းရင်းမြစ်များ

Abia (Psaumes) 39:9

Zi mbi na ya ti asiokpari ti mbi kue; mo zia lege pepe na abuba zo ti zonga mbi.

Ésaïe 53:7

Azo asara ngangu na lo, lo sara tere ti lo kete, lo zi yanga oko pepe. Lo yeke tongana kete taba so a yeke gue na lo na ndo ti fango anyama; lo yeke tongana taba so ayeke buburu na dawa ti azo ti fango kua ti tere ti lo, lo zi yanga oko pepe.

Matthieu 27:12

So akota wayango-sandaga na *akangba abi tënë na li ti lo so, lo zi yanga oko pepe.

Matthieu 27:14

Me Jésus akiri tënë oko na lo pepe, nilaa li ti govoronere ni kue akpe.

Matthieu 7:6

“Ye so a zia ni nde ndali ti Nzapa, ala bi ni na ambo pepe, ngbanga ti fade ambo ni ayeke kiri na tere ti ala ti te ala. Ala tuku alenge ti ala na anguru pepe, ngbanga ti fade anguru ni ayeke do ni na gere ti ala.”

Marc 15:5

Me Jésus akiri tënë oko pepe; nilaa li ti Pilate kue akpe.

Nzoni Tënë so Luc asu na mbeti 13:32

Lo kiri tënë na ala, lo tene: “Ala gue, atene na zo ti mayere, zo ti gbungo kondo so, atene: ‘Mbi yeke tumba asioni yingo, mbi yeke kai akobela ti azo laso na kekereke; na lango ota ni, fade mbi yeke hunzi kua ti mbi.’

Nzoni Tënë so Luc asu na mbeti 23:10

Akota wayango-sandaga na awafango-ndia ayeke daa, ala yeke tene tënë na ngangu ti bi atënë na li ti lo.

Jean 19:9

Lo kiri lo li na da si lo hunda Jésus, lo tene: “Mo londo ti mo na ndo wa?” Me Jésus akiri tënë na lo pepe.

Awatokua 8:32

Kamba ti tënë so lo yeke diko so atene: “A gue na lo tongana mbeni taba so azo ayeke gue na lo na ndo ti fango anyama; a gue na lo tongana molenge ti taba so ayeke buburu na gbe ti zo so ayeke fâ kua ti tere ti lo. Lo zi yanga ti lo oko pepe.

1 Pierre 2:23

Azo azonga lo, me lo kiri na zonga ni pepe; azo asara pasi na lo, me lo be le na ala pepe, lo zia be ti lo kue na ndö ti Nzapa so ayeke fâ ngbanga na legeni.