Nzoni Tënë so Luc asu na mbeti 23:56 - Mbeti ti Nzapa - Tënë so amu fini

⁵⁶ Na pekoni, ala kiri na ya ti gbata ni si ala leke ayombo na aye so azo ayeke zia na tere ti kuâ. Na lango ti wungo tere, ala duti ti wu tere ti ala tongana ti so atënë ti ndia afa.

Nzoni Tënë so Luc asu na mbeti 23:56 ပူးပေါင်းရင်းမြစ်များ

2 Mbai 16:14

A lu lo na ya ti du ti kuâ so lo mu yanga si a zi ni na Gbata ti David. A zia kuâ ti lo na ndö ti mbeni gbogbo so asi singo na ayombo nde nde so awalekengo-yombo laa aleke ni na kode ti ala. A zö gba ti yombo ndali ti lo.

Sigingo 31:14

Tongaso, alingbi ala bata lango ti wungo tere ni. Ti ala, lango ni so ayeke mbeni lango so a zia nde. Zo so ayeke sara si lango ni so aga sioni si lo sara kua na lango ni so, fade a yeke tumba lo na ya ti bongbi ti azo si a yeke fâ lo.

Marc 16:1

So *lango ti wungo tere ahon awe, Marie ti kodro ti Magdala na Marie, mama ti Jacques na ti Salome avo ayombo titene ala gue, azia na tere ti kuâ ti Jésus.

Nzoni Tënë so Luc asu na mbeti 24:1

Na kota ndaperere ti layenga, awali ni amu ayombo so ala leke ni ti zia na tere ti kuâ, ague na ni na du ti kuâ ti Jésus.

Ndia ti fani use ni 5:14

Me lango mbarambara ni ayeke lango ti wungo tere so a zia nde ndali ti KOTA GBIA Nzapa ti mo. Na lango ni so, alingbi mo sara kua oko pepe, ataa mo, ataa molenge ti mo ti koli, ataa molenge ti mo ti wali, ataa zo ti kua ti mo ti koli, ataa zo ti kua ti mo ti wali, ataa bagara ti mo, ataa lele ti mo, ataa mbeni nyama ti mo oko, ataa wande so ayeke lango na kodro ti mo. Alingbi zo ti kua ti mo ti koli na ti wali awu tere ti ala tongana mo.