Nzoni Tënë so Luc asu na mbeti 23:5 - Mbeti ti Nzapa - Tënë so amu fini

⁵ Me ala luti na ndö ti tënë ti ala, atene: “Lo yeke pusu azo ti kodro ti sara wusuwusu na lege ti fango ye ti lo so lo yeke fa na azo ti sese ti Judée kue. Lo londo na Galile si lo yeke fa ye na azo ngbii asi na ndo so.”

Nzoni Tënë so Luc asu na mbeti 23:5 ပူးပေါင်းရင်းမြစ်များ

Abia (Psaumes) 22:16

Lege ti go ti mbi ahole kasakasa tongana fango ta ti sese, be ti mbi ahole kue na nzara ti ngu. Mo zia mbi na yanga ti du ti kuâ awe.

Abia (Psaumes) 57:4

Kâ na yayu, ayeke nzoni lo yeke tokua ye ti songo mbi na kuâ. Biani, zo ti tumbango peko ti mbi ayeke zonga mbi. Luti kete Ayeke nzoni Nzapa afa na mbi so lo yeke sara nzoni be na mbi si lo yeke bata tënë ti yanga ti lo.

Abia (Psaumes) 69:4

Mbi dekongo ngbii mbi woko awe, go ti mbi kue gi wâ, le ti mbi abaa ndo na mbage ti mo, Nzapa ti mbi gbaa.

Matthieu 11:1

So Jésus ahunzi ti mu yanga na adisiple ti lo baleoko na use awe, lo londo si lo gue ti fa ye na azo, ti fa nga Nzoni Tënë na ya ti agbata ti ala.

Matthieu 2:1

A du Jésus na Betlehem, mbeni gbata ti sese ti Judée, na ngoi ti gbia Herode. Na pekoni, azo ti gingo nda ti atongoro alondo na mbage ti To, ala si na Jérusalem.

Matthieu 27:24

So Pilate abaa atene, ni ha gbaa si wusuwusu ayeke gue guengo na nduzu, lo mu ngu si lo sukula maboko ti lo na le ti azo kue; lo tene na ala: “Ngbanga ti kuâ ti koli so ayeke na li ti mbi pepe! So abaa gi ala wani!”

Matthieu 4:23

Jésus atambula na ya ti Galile kue; lo fa ye na azo na ya ti ada ti sambelango Nzapa ti kodro ni, lo fa Nzoni Tënë ti *Kodro-gbia ti yayu, lo kai akobela kue na tere ti azo, lo sara si azo so mbage ti tere ti ala abuba, aga nzoni.

Marc 1:14

Na peko ti so a bi Jean na da ti kanga, Jésus ague na Galile si lo fa Nzoni Tënë ti Nzapa na azo.

Nzoni Tënë so Luc asu na mbeti 11:53

So Jésus alondo na ya ti da ni asigigi, awafango-ndia na afarizien ato nda ti gi tënë mingi na lo. Ala hunda lo na atënë na ndö ti aye mingi,

Nzoni Tënë so Luc asu na mbeti 23:23

Me ala ngba gi na ndö ti tënë ni si ala yeke dekongo titene lo fâ gi Jésus fango na ndö ti keke ti kroa; dekongo ti ala ni ahon ndö ti lo.

Nzoni Tënë so Luc asu na mbeti 23:6

So Pilate ama tënë so, lo hunda ndo, lo tene: “Koli so ayeke zo ti Galile?”

Jean 1:43

Lango oko na pekoni, Jésus aleke na be ti lo ti gue na sese ti Galile. Lo tengbi na Philippe si lo tene na lo: “Mu peko ti mbi!”

Jean 19:15

Ala kiri adekongo, atene: “Fâ lo! Fâ lo! Fâ lo na ndö ti keke ti kroa!” Pilate ahunda ala, atene: “Ala ye mbi fâ gbia ti ala na ndö ti keke ti kroa?” Akota wayango-sandaga akiri tënë, atene: “E yeke na mbeni gbia nde pepe, gi kota gbia ti Rome oko!”

Jean 2:11

Lege so Jésus asara kozo ye ti kpene na Kana, mbeni kodro ti Galile laa. Lo fa gonda ti lo si adisiple ti lo ama na be na lo.

Jean 7:41

Ambeni atene ti ala: “Lo laa lo yeke *Mesii ni!” Ambeni atene: “Mesii ni alingbi ti londo na Galile si aga?

Jean 7:52

Ala kiri tënë na lo: “Mo nga, mo yeke zo ti Galile? Mo gi nda ti Mbeti ti Nzapa, fade mo yeke hinga so, mbeni wayanga-Nzapa alondo laoko na Galile aga pepe.” [

Awatokua 10:37

Ala hinga tënë ti aye so asi na sese ti Judée kue; aye ni ato nda ni na sese ti Galile, na peko ti bateme so Jean afa tënë ni.

Awatokua 23:10

So papa ni aga ngangu, mbeto asara kota komanda ti aturugu ni ngbanga ti ala suru ya ti Paul. Tongaso lo mu yanga na aturugu ti mu Paul na popo ti azo ni ti sigigi na lo ti gue na lo na ya ti gbagba ti aturugu.

Awatokua 5:33

So azo ti fango ngbanga ni ama tënë so, ngonzo agbu ala ahon ndoni si ala ye ti fâ awatokua ni.

Awatokua 7:54

So azo ti *Kota Bongbi ti Fango Ngbanga ni ama tënë so, ngonzo ti ala alondo tongana wâ si ala yeke te pembe ti ala na tere ti Étienne.

Awatokua 7:57

Azo ni adekongo ngangu, ala kanga mê ti ala si ala kue atuku legeoko na ndö ti Étienne.