Nzoni Tënë so Luc asu na mbeti 23:31 - Mbeti ti Nzapa - Tënë so amu fini

³¹ Tongana azo asara tongaso na fini keke, fade ti holengo keke ayeke duti tongana nyen?”

Nzoni Tënë so Luc asu na mbeti 23:31 ပူးပေါင်းရင်းမြစ်များ

Amato 11:31

Zo ti mbirimbiri awara futa ti lo na sese so awe; ayeke nzoni azo ahinga biani atene, fade zo ti sioni na zo ti siokpari ayeke wara nga ye so alingbi na ala!

Jérémie 25:29

Biani, gbata so a zia nde ndali ti mbi, mbi yeke to nda ti tokua kota kpale ti ti na ndö ni. Ala baa ti ala atene, ala yeke sigigi na ya ni? Oko pepe, fade ala yeke sigigi na ya ni pepe. Me gi bira laa mbi yeke tokua na tere ti azo ti dunia kue; so tënë ti yanga ti KOTA GBIA laa.”

Daniel 9:26

Na peko ti ngoi baleomene na use so, fade a yeke fâ zo so a tuku mafuta na li ti lo so; zo oko ayeke mu maboko na lo pepe. Na pekoni mbeni makonzi ayeke londo, lo na aturugu ti lo ayeke ga ti buba gbata ni nga na ndo so a zia ni nde ndali ti Nzapa. Me na ndani, lango ti makonzi ni ayeke hunzi na lege ti ngonzo ti Nzapa so ayeke tuku na ndö ti lo. Me lo yeke sara bira ngbii asi na lango ti kuâ ti lo si lo yeke buba ndo kue alingbi na ye so a diko ndali ti lo.

Matthieu 3:12

Lo gbu ye ti pengo na ale ti kobe na maboko ti lo, lo yeke leke ndo ti pikango ale ti kobe ti lo daa. Na pekoni, lo yeke zia ni na ya ti gogoro, me fade lo yeke bongbi aporo ni ti gbi na ya ti wâ so ayeke mingo laoko pepe.”

Nzoni Tënë so Luc asu na mbeti 23:30

Tongaso na ya ti alango ni so, fade azo ayeke tene na akota hoto: ‘Ala ti na ndö ti e!’ Ala yeke tene nga na akete hoto: ‘Ala honde e!’

Nzoni Tënë so Luc asu na mbeti 23:32

Azo amu nga ambeni koli use so ayeke asioni zo, ague na ala ti fâ ala legeoko na Jésus.

Jean 15:6

Zo so aduti oko na mbi pepe, fade a yeke bi lo na gigi tongana ti so a yeke bi maboko ti keke si ahole. A yeke bongbi amaboko ti keke ni, a tuku na le ti wâ si agbi.

Ahebro 6:8

Me tongana sese ni asara titene aki na akeke ti ki asigigi, andaa sese ni so ayeke buba sese; fade Nzapa ayeke deba ni si na pekoni, a yeke gbi ni na wâ.

Jude 1:12

A-ita, na ndembe so ala yeke te kobe ti beoko si azo ni so ayeke na popo ti ala, azo ni aga tongana mbeni sarate na ya ti matanga ti ala ti tengo kobe. Azo ni so ayeke te ye na kamene pepe, ala hinga gi nzara ti ya ti ala. Ala yeke tongana ambinda so pupu ayeke hon na ni si ngu apika na peko ni pepe. Ala yeke nga tongana akeke so ale pepe, ataa so ndembe ni alingbi awe; tongana a zi gere ni, akui biani biani.