Nzoni Tënë so Luc asu na mbeti 23:27 - Mbeti ti Nzapa - Tënë so amu fini

²⁷ Azo gbani gbani ayeke mu peko ti Jésus; ambeni wali nga ayeke na popo ti azo ni. Ala zia maboko na ndö ti go ti ala si ala yeke toto ndali ti lo.

Nzoni Tënë so Luc asu na mbeti 23:27 ပူးပေါင်းရင်းမြစ်များ

Abia (Psaumes) 22:17

Gba ti azo ti sioni angoro mbi kue, ala yeke tongana ambo so angoro tere ti mbi; ala koro ya ti amaboko ti mbi na agere ti mbi.

Matthieu 11:17

‘E huru *ngoli titene ala dodo, me ala dodo pepe! E he na ala bia ti totongo kuâ, me ala toto pepe!’

Matthieu 27:55

Awali mingi ayeke kâ, ala ngba ti ala yongoro si ala yeke baa ye ni: ala yeke tambula lani na peko ti Jésus, ala londo na Galile si aga ti sara kua na lo.

Marc 15:40

Ambeni wali nga ayeke daa, ala luti ti ala yongoro si ala yeke baa ye ni. Marie ti kodro ti Magdala ayeke na popo ti awali ni so, lo na Marie, mama ti Jacques Kete na ti Yozes, na Salome.

Nzoni Tënë so Luc asu na mbeti 23:28

Jésus abaa ndo na mbage ti ala si lo tene na ala: “Awali ti Jérusalem, ala toto ndali ti mbi pepe! Me ala toto ndali ti ala wani na amolenge ti ala,

Nzoni Tënë so Luc asu na mbeti 23:55

Awali so amu peko ti Jésus, ngbene ye na Galile so aga na peko ti Joseph; ala baa du ti kuâ ni si ala baa nga lege so azo azia kuâ ti Jésus na ya ni.

Nzoni Tënë so Luc asu na mbeti 8:2

ala na ambeni wali so lo tumba asioni yingo na ya ti ala si lo kai akobela na tere ti ala. Awali ni ayeke: Marie so a iri lo zo ti kodro ti Magdala, so ayingo mbarambara asigigi na ya ti lo,

Nzoni Tënë so Luc asu na mbeti 8:52

Azo ni kue ayeke toto si ala yeke dema tere ndali ti molenge ni. Me Jésus atene na ala: “Ala toto pepe! Lo kui pepe, me lo yeke lango.”

Jean 16:20

Biani, mbi tene na ala taa-tënë: fade ala yeke toto, ala yeke dema tere, me azo ti dunia ayeke duti ti ala na ngia. Ala, adisiple ti mbi ayeke na vundu, me vundu ti ala ayeke kiri ti ga ngia.