Nzoni Tënë so Luc asu na mbeti 23:25 - Mbeti ti Nzapa - Tënë so amu fini

²⁵ Lo zi koli so ayeke na da ti kanga ndali ti wusuwusu na fango zo, lo so azo ni ahunda titene a zi lo so. Ti Jésus, Pilate amu lo na ala titene ala sara ye ti be ti ala na lo.

Nzoni Tënë so Luc asu na mbeti 23:25 ပူးပေါင်းရင်းမြစ်များ

Esther 3:11

Na pekoni, gbia atene na Haman: “Bata nginza ni! Ti azo ni so, mbi zia tënë ti ala na maboko ti mo; fade mo sara ye so be ti mo aye na ala.”

Matthieu 27:26

Tongaso, Pilate azi Barabas na ala si lo mu yanga titene a pika Jésus na fimbo. Na pekoni, lo mu lo na ala titene a fâ lo na ndö ti keke ti kroa.

Marc 15:15

Pilate aye ti sara si be ti gba ti azo ni anzere; nilaa lo zi na ala Barabas. Na pekoni, lo mu yanga titene a pika Jésus na fimbo si lo zia lo na maboko ti ala titene a fâ lo na ndö ti keke ti kroa.

Nzoni Tënë so Luc asu na mbeti 23:2

Ala to nda ti bi tënë na li ti lo, atene: “E wara koli so, lo yeke pusu azo ti mara ti e ti sara wusuwusu, lo yeke kanga lege na ala titene ala futa lapo na kota gbia ti Rome; lo tene nga, ni wani, ni yeke *Mesii, ni yeke gbia.”

Nzoni Tënë so Luc asu na mbeti 23:24

Nilaa Pilate amu yanga titene a sara ye so ala hunda.

Nzoni Tënë so Luc asu na mbeti 23:26

So ala mu Jésus si ala yeke gue na lo, ala tengbi na mbeni koli so azo ahinga lo na iri ti Simon, zo ti kodro ti Sirene; lo londo na yaka si lo yeke kiri na kodro. Ala gbu lo si ala zia keke ti kroa ni na ndö ti go ti lo titene lo yo ni, lo gue na ni na peko ti Jésus.

Nzoni Tënë so Luc asu na mbeti 23:5

Me ala luti na ndö ti tënë ti ala, atene: “Lo yeke pusu azo ti kodro ti sara wusuwusu na lege ti fango ye ti lo so lo yeke fa na azo ti sese ti Judée kue. Lo londo na Galile si lo yeke fa ye na azo ngbii asi na ndo so.”

Jean 18:40

Azo ni ato nda ti dekongo, atene: “Ên-en, lo pepe! Me Barabas!” Andaa Barabas ayeke mbeni sioni zo.

Jean 19:16

Tongaso Pilate azia Jésus na maboko ti ala titene ala gue, afâ lo na ndö ti keke ti kroa. Ala mu Jésus ahon na lo.

Awatokua 3:14

Lo so lo yeke nde, lo yeke nzoni kue si lo yeke mbirimbiri, ala ke lo si ala hunda titene Pilate azi na ala zo ti fango zo ti zia ngia na be ti ala.

1 Samuel 12:13

Fadeso, baa gbia so ala soro so laa; gbia so ala hunda so laa. KOTA GBIA amu na ala gbia awe.