Nzoni Tënë so Luc asu na mbeti 23:2 - Mbeti ti Nzapa - Tënë so amu fini

² Ala to nda ti bi tënë na li ti lo, atene: “E wara koli so, lo yeke pusu azo ti mara ti e ti sara wusuwusu, lo yeke kanga lege na ala titene ala futa lapo na kota gbia ti Rome; lo tene nga, ni wani, ni yeke *Mesii, ni yeke gbia.”

Nzoni Tënë so Luc asu na mbeti 23:2 ပူးပေါင်းရင်းမြစ်များ

1 Agbia 18:17

Gi so Akab abaa Élie, lo tene na Élie: “Mo laa mo ga na kpale na ndö ti azo ti Israel so pepe?”

Abia (Psaumes) 35:11

Azo alondo ti bi tënë ti mvene na li ti mbi, ala hunda mbi na ndö ti ye so mbi hinga pepe.

Abia (Psaumes) 62:4

Fade ala kue ayeke bongbi tere ti ti na ndö ti mbeni zo ti fâ lo ngbii asi lawa? Ala ye ti fâ lo tongana dere ti da so aba bango wala tongana gbagba so aye ti ti?

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Jérémie 38:4

Na pekoni, akota zo ti kodro ni atene na gbia Sedesias: “E ye gi kuâ ti Jérémie, ngbanga ti so atënë so lo yeke tene, asara si be ti aturugu nga na be ti azo ti kodro kue awoko. Koli so aye nzoni ti azo ti kodro so pepe, me lo ye gi sioni ti ala.”

Amos 7:10

Amasia, wayango-sandaga ti Betel atokua na Yeroboam, gbia ti Israel, atene: “Amos ayeke gi lege ti kinda mo na ndö ti mbata ti mo ti gbia taa na kodro ti Israel. Azo ti kodro ni alingbi ti kanga be na atënë ti lo mbeni pepe.

Zakarii 11:8

Gi na ya ti nze oko, mbi tumba awabatango-taba ti ala ota kue. Na pekoni, nzara ti batango ataba ni ahunzi na be ti mbi si ala nga, be ti ala akiri ake mbi.

Matthieu 17:27

Me e ye titene be ti azo so aso na e pepe. Tongaso mo gue kâ na kota ngu, mo bi yango. Tongana mo gboto kozo susu, mo zi yanga ti lo, fade mo yeke wara le ti nginza daa so alingbi titene mo futa na lapo ti mbi, na ti mo kue.”

Matthieu 22:21

Ala kiri tënë na lo: “Ti kota gbia ti Rome.” Tongaso Jésus atene na ala: “Ala futa na kota gbia ti Rome ye so ayeke ti lo, ala futa na Nzapa ye so ayeke ti Nzapa.”

Matthieu 27:11

Jésus aluti na gbe ti govoronere Pilate. Pilate ahunda lo, atene: “Mo yeke gbia ti azuife?” Jésus akiri tënë na lo: “Ni laa mo tene so.”

Marc 12:17

Tongaso Jésus atene na ala: “Ala futa na kota gbia ti Rome ye so ayeke ti lo, ala futa na Nzapa ye so ayeke ti Nzapa.” Li ti ala kue akpe na peko ti kiringo tënë ti lo so.

Marc 15:2

Pilate ahunda lo, atene: “Mo yeke gbia ti azuife?” Jésus akiri tënë na lo, atene: “Ni laa mo tene so.”

Nzoni Tënë so Luc asu na mbeti 23:14

si lo tene na ala: “Ala ga na mbi koli so, ngbanga ti so ala tene, lo yeke pusu azo ti kodro ti sara wusuwusu. Ala baa, mbi hunda lo na le ti ala kue na ndö ti asioni tënë so ala bi na li ti lo, me mbi baa ti mbi sioni ye oko so alingbi ti fâ ngbanga na li ti lo ndali ni pepe.

Nzoni Tënë so Luc asu na mbeti 23:5

Me ala luti na ndö ti tënë ti ala, atene: “Lo yeke pusu azo ti kodro ti sara wusuwusu na lege ti fango ye ti lo so lo yeke fa na azo ti sese ti Judée kue. Lo londo na Galile si lo yeke fa ye na azo ngbii asi na ndo so.”

Jean 18:29

Pilate asigigi, lo gue na mbage ti ala si lo hunda ala, lo tene: “Ala yeke bi tënë na li ti koli so ngbanga ti nyen?”

Jean 18:30

Ala kiri tënë na lo: “Tongana lo sara fade sioni pepe, ka e ga na lo na mo?”

Jean 19:12

Ti londo na ndembe ni so, Pilate ayeke gi lege ti zi Jésus, me azuife akiri adekongo, atene: “Tongana mo zi lo, andaa mo yeke zo ti kota gbia ti Rome pepe! Zo so kue atene, ni yeke gbia, andaa lo ke kota gbia ti Rome awe!”

Awatokua 24:13

Azo ni alingbi ti fa na mo pepe ye so afa atene, tënë so ala yeke bi na li ti mbi fadeso ayeke taa-tënë.

Awatokua 24:5

E baa so, koli so ayeke sioni mingi: lo yeke bi wusuwusu na popo ti azuife ti dunia kue, lo yeke makonzi ti sioni bongbi so iri ni bongbi ti Nazaret.

Rome 13:7

Ala futa na zo oko oko ye so alingbi ala futa na lo: ala futa lapo na azo ti rongo nginza ti lapo, ala futa nga lapo ti ndö ti aye nde nde na azo so alingbi ala futa ni na ala. Ala kpe mbeto ti zo so alingbi ala kpe mbeto ti lo, ala ne zo so alingbi ala ne lo.