Nzoni Tënë so Luc asu na mbeti 22:43 - Mbeti ti Nzapa - Tënë so amu fini

⁴³ Tongaso mbeni *ange alondo na yayu asi na lo ti mu ngangu na be ti Jésus.

Nzoni Tënë so Luc asu na mbeti 22:43 ပူးပေါင်းရင်းမြစ်များ

Daniel 11:1

Ti mbi, na kozo ngu so Darius, zo ti mara ti Medii ayeke gbia, mbi duti na tere ti Michel ti mu maboko na lo, ti sara nga si lo wara ngangu.

Matthieu 26:53

Mo baa mo tene, mbi lingbi ti hunda na Babâ ti mbi ti mu na mbi maboko pepe? Lo lingbi ti tokua na mbi fafadeso *a-ange so wungo ti ala ahon wungo ti aturugu na ya ti akota bongbi baleoko na use.

Matthieu 4:11

Tongaso Zabolo azia Jésus si a-ange aga na tere ti lo, asara na lo.

Matthieu 4:6

si lo tene na lo: “Tongana mo yeke Molenge ti Nzapa, mo londo na li ti da so, mo ti na sese, ngbanga ti so Mbeti ti Nzapa atene: ‘Fade Nzapa ayeke mu yanga na *a-ange ti lo ndali ti mo; ala yeke yo mo na maboko ti ala si mo pika gere ti mo na mbeni têne pepe.’ ”

Nzoni Tënë so Luc asu na mbeti 22:32

Me mbi sambela ngbanga ti mo si mabe ti mo ati pepe. Tongana mo kiri ande na mbage ti mbi, ayeke nzoni mo sara titene a-ita ti mo akpengba.”

Awatokua 14:22

Na ya ti agbata ni, ala mu ngangu na be ti adisiple, ala mu na ala wango titene ala ngba lakue na lege ti mabe, ala tene nga na azo ni, atene: “Alingbi e baa pasi mingi ti li na *Kodro-gbia ti Nzapa.”

Awatokua 18:23

So lo lango kete na ndo so awe, lo londo si lo hon na ya ti sese ti Galasii na ti Frizii ti mu wango so alingbi ti kpengba adisiple kue.

Ndia ti fani use ni 3:28

Mo mu yanga na Josué. Mo sara titene lo gbu ngangu, lo sara ye ti koli. Biani, lo laa lo yeke gue na azo ni ti fâ ngu ti Jourdain, lo laa lo yeke mu sese so mo yeke baa so na azo ni titene aga ti ala.”

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

Ahebro 1:6

Me na ndembe so Nzapa aye ti tokua kozo molenge ti lo na ndö ti dunia so, lo tene: “Alingbi a-ange ti Nzapa kue avoro lo.”

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.