Nzoni Tënë so Luc asu na mbeti 22:37 - Mbeti ti Nzapa - Tënë so amu fini

³⁷ Mbi tene na ala: ayeke nzoni ye ni asi alingbi na tënë so a su na ya ti Mbeti ti Nzapa na ndö ti mbi, atene: ‘A diko lo na popo ti azo ti fango zo.’ Biani, tënë so atene na ndö ti mbi so, ye ni ayeke si ande alingbi na ni.”

Nzoni Tënë so Luc asu na mbeti 22:37 ပူးပေါင်းရင်းမြစ်များ

Ésaïe 53:12

Ndani laa mbi mu na lo ndo na popo ti akota zo; ye so a gbu na peko ti bira, lo na azo ti ngangu laa ayeke kangbi ni. Biani, lo wani, lo ka tere ti lo na kuâ, a diko lo na popo ti azo ti sioni, ngbanga ti so lo yo siokpari ti gba ti azo, lo gbu koko ti azo ti sioni.

Marc 15:27

Na tere ti Jésus, ala kanga asioni zo use na ndö ti akeke ti kroa, oko na mbage ti maboko ti lo ti koli, oko na mbage ti maboko ti lo ti wali. [

Marc 15:28

Tongaso si tënë ti Mbeti ti Nzapa aga taa-tënë: “A diko lo na popo ti azo ti sioni.”]

Nzoni Tënë so Luc asu na mbeti 18:31

Jésus amu adisiple baleoko na use na tere ti lo si lo tene na ala: “Ala ma! E yeke gue na Jérusalem. Kâ, aye so kue awayanga-Nzapa asu tënë ni na mbeti na ndö ti *Molenge ti Zo, fade aye ni ayeke si alingbi na ni.

Nzoni Tënë so Luc asu na mbeti 22:22

*Molenge ti Zo ayeke gue ti lo tongana ti so Nzapa aleke awe; me mawa na zo so aka lo!”

Nzoni Tënë so Luc asu na mbeti 22:36

Lo tene na ala: “Ti fadeso, zo so ayeke na bozo ti nginza, ayeke nzoni lo mu ni biani; zo so ayeke na bozo ti kobe, lo mu nga ni; zo so ayeke na yongoro zeme pepe, lo ka kota bongo ti lo ti vo na ni.

Nzoni Tënë so Luc asu na mbeti 22:52

Na pekoni, Jésus atene na akota wayango-sandaga, amakonzi ti aturugu ti kota da ti Nzapa na *akangba so aga ti gbu lo, lo tene: “Ala ga na ayongoro zeme na akeke ti gbu mbi, mo baa mo tene, mbi yeke zo ti nzi!

Nzoni Tënë so Luc asu na mbeti 23:32

Azo amu nga ambeni koli use so ayeke asioni zo, ague na ala ti fâ ala legeoko na Jésus.

Nzoni Tënë so Luc asu na mbeti 24:27

Na pekoni, Jésus ato nda ti fa na ala nda ti tënë so ando awayanga-Nzapa kue atene na ndö ti lo na ya ti Mbeti ti Nzapa, ti londo na Moïse ngbii asi na awayanga-Nzapa kue.

Jean 10:35

E hinga so, tënë so Mbeti ti Nzapa atene, zo alingbi ti mingo ni pepe. Andaa azo so Nzapa atene tënë ti ala ge so ayeke azo senge, me mbeti ti Ndia airi ala anzapa.

Jean 17:4

Mbi gonda mo na ndö ti sese so awe, mbi hunzi kua so mo mu na mbi ti sara awe.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”