Nzoni Tënë so Luc asu na mbeti 22:36 - Mbeti ti Nzapa - Tënë so amu fini

³⁶ Lo tene na ala: “Ti fadeso, zo so ayeke na bozo ti nginza, ayeke nzoni lo mu ni biani; zo so ayeke na bozo ti kobe, lo mu nga ni; zo so ayeke na yongoro zeme pepe, lo ka kota bongo ti lo ti vo na ni.

Nzoni Tënë so Luc asu na mbeti 22:36 ပူးပေါင်းရင်းမြစ်များ

Matthieu 10:10

ala mu bozo ti lege pepe, ala mu bongo use pepe, ala mu poro ti gere wala keke ti tambulango na ni pepe, ngbanga ti so zo ti kua alingbi ti wara kobe ti yanga ti lo.

Nzoni Tënë so Luc asu na mbeti 22:35

Jésus atene na ala: “So lani mbi tokua ala si ala gue na bozo ti nginza pepe, na bozo ti kobe pepe, na poro pepe so, mbeni ye atia ala?” Ala kiri tënë na lo, atene: “Ye oko atia e pepe.”

Nzoni Tënë so Luc asu na mbeti 22:37

Mbi tene na ala: ayeke nzoni ye ni asi alingbi na tënë so a su na ya ti Mbeti ti Nzapa na ndö ti mbi, atene: ‘A diko lo na popo ti azo ti fango zo.’ Biani, tënë so atene na ndö ti mbi so, ye ni ayeke si ande alingbi na ni.”

Nzoni Tënë so Luc asu na mbeti 22:38

Adisiple atene na lo: “*Kota Gbia, baa yongoro zeme use laa.” Lo kiri tënë na ala, lo tene: “Alingbi awe.”

Jean 15:20

Ala dabe ti ala na tënë so mbi tene na ala: ‘Zo ti kua ayeke kota ahon makonzi ti lo pepe.’ Fade azo ayeke sara ngangu na ala tongana ti so azo ni asara ngangu na mbi. Tongana azo ni asara fade ye alingbi na tënë ti mbi, ka ala sara nga ye alingbi na tënë ti ala.

Jean 16:33

Mbi tene tënë so na ala titene ala duti na siriri na lege ti gango so ala ga oko na mbi. Na dunia so, fade ala yeke baa pasi, me ala gbu ngangu! Mbi hon dunia so na ngangu awe!”

1 Tesalonike 3:4

Na ndembe so e ngba na popo ti ala, e tene na ala, e tene, fade e yeke baa pasi mingi; pasi ni laa asi awe so, ala hinga tënë ni awe.

1 Pierre 4:1

Christ abaa pasi na ya ti tere ti lo ti zo. Tongaso, ala nga, ala hinga biani na be ti ala atene, zo so abaa pasi na ya ti tere ti lo ti zo, lo kangbi na siokpari awe. Alingbi tënë so aduti na be ti ala tongana mbeni ye ti bira.