Nzoni Tënë so Luc asu na mbeti 22:35 - Mbeti ti Nzapa - Tënë so amu fini

³⁵ Jésus atene na ala: “So lani mbi tokua ala si ala gue na bozo ti nginza pepe, na bozo ti kobe pepe, na poro pepe so, mbeni ye atia ala?” Ala kiri tënë na lo, atene: “Ye oko atia e pepe.”

Nzoni Tënë so Luc asu na mbeti 22:35 ပူးပေါင်းရင်းမြစ်များ

Tongo nda ti aye 48:15

Na pekoni, lo sara tufa na ndö ti Joseph, lo tene: “Ayeke nzoni Nzapa so ababâ ti mbi Abraham na Isaac atambula na lege ti lo so, lo so lo to nda ti batango mbi na molenge ngbii asi laso so,

1 Agbia 11:22

Faraon ahunda Hadad, atene: “Nyen laa atia mo na tere ti mbi ge, nyen? Mo ye ti kiri na kodro ti mo ngbanga ti nyen?” Hadad akiri tënë na lo: “Ye oko pepe! Me mo zia na mbi lege, mbi gue si.”

Abia (Psaumes) 23:1

Bia ti David. *KOTA GBIA ayeke tongana wabatango-taba so ayeke bata mbi, mbeni ye oko ayeke tia mbi pepe.

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Nzoni Tënë so Luc asu na mbeti 10:4

Ala mu bozo ti nginza, bozo ti lege na poro pepe; ala bara nga azo na lege pepe.

Nzoni Tënë so Luc asu na mbeti 22:34

Jésus atene na lo: “Pierre, mbi tene na mo: kozo titene koli-kondo atoto, fade mo yeke bere fani ota mo tene, mo hinga mbi pepe.”

Nzoni Tënë so Luc asu na mbeti 22:36

Lo tene na ala: “Ti fadeso, zo so ayeke na bozo ti nginza, ayeke nzoni lo mu ni biani; zo so ayeke na bozo ti kobe, lo mu nga ni; zo so ayeke na yongoro zeme pepe, lo ka kota bongo ti lo ti vo na ni.

Nzoni Tënë so Luc asu na mbeti 9:3

Lo tene na ala: “Na guengo ti ala, ala mu mbeni ye oko pepe: ataa keke, wala bozo, wala kobe, wala nginza; ala mu nga bongo use pepe.

2 Korente 8:15

Tongana ti so Mbeti ti Nzapa atene: Zo so abongbi ye mingi, lo yeke na ye ahon ndoni pepe; zo so abongbi ye kete, ye oko atia lo pepe.

Ndia ti fani use ni 8:16

Gi na ya ti oko benyama ni, KOTA GBIA amu na ala *mane, kobe so akotara ti ala ahinga ni pepe. Lo sara tongaso titene aye ti ngangu asi na ala si lo tara be ti ala; na ndani, lo sara nzoni na ala.