Nzoni Tënë so Luc asu na mbeti 22:33 - Mbeti ti Nzapa - Tënë so amu fini

³³ Pierre atene na lo: “*Kota Gbia, ataa na da ti kanga, mbi na mo, e yeke gue; ataa ti kuâ ni, mbi na mo, e yeke kui!”

Nzoni Tënë so Luc asu na mbeti 22:33 ပူးပေါင်းရင်းမြစ်များ

Amato 28:26

Zo so ayeke zia be ti lo na ndö ti gbungo-li ti lo wani, lo yeke zo ti buba; me zo so ayeke sara ye na lege ti ndara, fade lo yeke sigigi na ya ti kuâ.

Jérémie 10:23

KOTA GBIA, mbi hinga, zo ayeke makonzi na ndö ti lege ti lo wani pepe; zo so ayeke tambula na lege, lo yeke makonzi na ndö ti tambula ti lo pepe.

Jérémie 17:9

“Be ti zo ayeke handa zo ahon tanga ti aye kue; zo alingbi ti kai kobela ni pepe. Zo wa laa alingbi ti hinga be ti zo?”

Matthieu 20:22

Jésus akiri tënë, atene: “Ala hinga ye so ala yeke hunda so pepe. Ala lingbi ti nyon kopo ti pasi so mbi yeke nyon ande so?” Ala tene na lo: “E lingbi ti nyon ni.”

Marc 14:29

Pierre atene na lo: “Tongana azo kue azia mo ahon, fade mbi yeke zia mo pepe.”

Marc 14:31

Me Pierre angba gi na ndö ti tënë ti lo si lo tene: “Tongana ayeke titene mbi na mo, e kui, mbi yeke bere tënë ti mo oko pepe!” Ala kue atene gi oko tënë so.

Nzoni Tënë so Luc asu na mbeti 22:34

Jésus atene na lo: “Pierre, mbi tene na mo: kozo titene koli-kondo atoto, fade mo yeke bere fani ota mo tene, mo hinga mbi pepe.”

Nzoni Tënë so Luc asu na mbeti 22:57

Me Pierre abere, atene: “Wali, mbi hinga lo pepe.”

Jean 13:38

Jésus akiri tënë, atene: “Mo yeke nduru biani ti ka fini ti mo ndali ti mbi? Biani, mbi tene na mo taa-tënë: kozo titene koli-kondo atoto, mo yeke bere tënë ti mbi fani ota.”

Awatokua 21:13

Me lo kiri tënë, lo tene: “Ngbanga ti nyen laa ala yeke toto si ala yeke gi lege ti zi nzara ti tambula ni na be ti mbi so? Mbi yeke ti mbi nduru gi titene a kanga mbi pepe, me titene a fâ mbi na Jérusalem ndali ti iri ti *Kota Gbia Jésus!”