Nzoni Tënë so Luc asu na mbeti 22:29 - Mbeti ti Nzapa - Tënë so amu fini

²⁹ Tongana ti so Babâ amu na mbi *Kodro-gbia, mbi nga, mbi yeke mu kodro-gbia na ala:

Nzoni Tënë so Luc asu na mbeti 22:29 ပူးပေါင်းရင်းမြစ်များ

Matthieu 24:47

Mbi tene na ala taa-tënë: fade makonzi ti lo ayeke zia lo ti baa ndo na ndö ti aye ti lo kue.

Matthieu 25:21

Makonzi ti lo atene na lo: ‘So nzoni! Mo yeke nzoni zo ti kua si mo yeke sara ye na legeni! Kete ye so a mu na mo, mo sara kua na ni na legeni; fade mbi yeke zia mo na ndö ti akota ye ti mbi. Ga, mo na makonzi ti mo asara ngia.’

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Matthieu 5:10

Ti ala nzoni, ala so a yeke sara ngangu na ala ndali ti sarango ye ti mbirimbiri, ngbanga ti so Kodro-gbia ti yayu ayeke ti ala!

Matthieu 5:3

“Ti ala nzoni, ala so ahinga atene, ye ti yingo atia ala, ngbanga ti so *Kodro-gbia ti yayu ayeke ti ala!

Nzoni Tënë so Luc asu na mbeti 12:32

“Ala azo so ayeke tongana bongbi ti akete taba, ala sara mbeto pepe, ngbanga ti so a nzere na Babâ ti ala ti mu Kodro-gbia ni na ala!

Nzoni Tënë so Luc asu na mbeti 19:17

Gbia ni atene na lo: ‘So nzoni! Mo yeke nzoni zo ti kua! Kete ye so a mu na mo, mo sara kua na ni na legeni. Tongaso, mbi mu mo titene mo sara komandema na ndö ti agbata baleoko.’

1 Korente 9:25

Awanguru kue ayeke ke ambeni ye mingi ti leke tere ti ala ndali ti mandako. Ala yeke sara ni ti wara na peko ni nzoni ye so ayeke buba bubango. Ti e, e yeke sara ni ti wara nzoni ye so ayeke buba ande pepe.

2 Korente 1:7

E zia be ti e kue na ndö ti ala, ngbanga ti so e hinga, e tene, pasi so e yeke baa so, ala nga ayeke baa ni, nilaa fade be ti ala ayeke de tongana ti so be ti e ade.

2 Timothée 2:12

tongana e gbu ngangu, fade e na lo kue, e yeke le-gbia; tongana e bere tënë ti lo, fade lo nga, lo yeke bere tënë ti e;

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

1 Pierre 5:4

Tongana Makonzi ti azo ti batango azo ti Nzapa asi, fade ala yeke wara nzoni ye ti peko ni so ayeke na gonda si pendere ni ayeke hon oko pepe.

Aye so Nzapa afa 21:14

A leke agere ti gbagba ni na ndö ti têne baleoko na use; a su iri ti *awatokua baleoko na use ti Molenge ti Taba na ndö ti atêne ni oko oko.