Nzoni Tënë so Luc asu na mbeti 22:26 - Mbeti ti Nzapa - Tënë so amu fini

²⁶ Ti ala azo ti mbi, ye ni ayeke tongaso pepe. Me ayeke nzoni zo so ayeke kota zo na popo ti ala ahon atanga ni kue aduti tongana kete zo ahon atanga ni kue; zo so ayeke na komandema, ayeke nzoni lo ga tongana zo ti sarango kua na ala.

Nzoni Tënë so Luc asu na mbeti 22:26 ပူးပေါင်းရင်းမြစ်များ

Matthieu 20:26

Ti ala azo ti mbi, alingbi ye ni aduti tongaso pepe na popo ti ala. Me tongana mbeni zo aye ti ga kota zo na popo ti ala, ayeke nzoni lo ga zo ti sarango kua na ala.

Marc 10:43

Ti ala azo ti mbi, ayeke nzoni ye ni aduti tongaso pepe na popo ti ala. Me tongana mbeni zo aye ti ga kota zo na popo ti ala, ayeke nzoni lo ga zo ti sarango kua na ala kue.

Marc 9:35

Tongaso Jésus aduti, lo iri adisiple ti lo baleoko na use si lo tene na ala: “Tongana mbeni zo aye ti duti zo ti li ni, ayeke nzoni lo duti zo ti ndani, lo duti nga zo ti kua ti atanga ni kue.”

Nzoni Tënë so Luc asu na mbeti 9:48

lo tene na ala: “Zo so ayamba kete molenge so na iri ti mbi, andaa mbi laa lo yamba mbi; zo so ayamba mbi, andaa lo yamba nga lo so atokua mbi. Zo so ayeke kete kete na popo ti ala, andaa lo laa lo yeke kota ahon ala kue.”

Rome 12:2

Ala mu lege ti dutingo ti azo ti dunia so pepe, me ala zia Nzapa asanze fini ti ala, lo mu na ala fini gbungo-li. Tongaso, fade ala lingbi ti hinga ye so Nzapa aye: ye so ayeke nzoni, ye so anzere na be ti lo, ye so ayeke nzoni kue.

1 Pierre 5:3

Azo ti Nzapa so lo zia ala na maboko ti ala ti bata ala so, ala sara komandema ti ngangu na ndö ti ala pepe, me ala duti tapande ndali ti ala.

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”